پاکستان ایچکی ایشلر وزیری: حجتی بۉلمه‌گن بوتون افغان قاچقینلری ایکّی باسقیچده چیقاریله‌دی
۸صبح، کابل: پاکستان حکومتی قاچقینلرنی، اینیقسه افغانلرنی مجبور‌ن چیقاریش اوچون تعیینله‌گن مدت یقینلشه‌یاتگن بیر پیتده، مملکت مؤقت ایچکی ایشلر وزیری سرفراز بوگتی نینگ ایتیشیچه، عملده‌گی قانونی حجتلری بۉلمه‌گن برچه قاچقینلر ایکّی باسقیچده مملکتدن چیقریب یوباریله‌دی.
جیونیوز ۷-عقرب، یک‌شنبه کونی سرفراز بوگتی‌گه اساسلب گزارش بیریشیچه، بیرینچی باسقیچده یشش و سفر قیلیش اوچون قانونی حجتلری بۉلمه‌گن قاچقینلر بو مملکتدن چیقاریله‌دی.
پاکستان پولیسی تامانیدن افغانستانلیک مهاجرلر قیناققه آلینگنی تۉغریسیده نشر بۉلگن گزارشلرگه قره‌مه‌ی، لېکن بوگتی قاچقینلر بیلن یامان یانده‌شیلمه‌گن دېب ایتگن.
اونینگ کۉپه‌یتیریشیچه: «تیگیشلی مسووللر تامانیدن خاتینلر، باله‌لر و کیکسه‌لرگه نهایت حرمت بیلن یانده‌شیلیشی اوچون بویروق بېریلگن.»
بوگتی، لایحه نینگ ایکّینچی باسقیچیده پاکستان دولتی (POR) نینگ کیملیک کارتی بۉلگن همده بیرلشگن ملتلر تشکیلاتی نینگ قاچقینلر بۉییچه عالی کمیسارلیگیده ثبت بۉلگن مهاجلر بو مملکتدن چیقاریله‌دیلر دېب ایتگن.
شونینگدېک پاکستانلیک بو یوقاری مرتبلی رسمی ۵ و۶ عقرب، پنج‌شنبه و جمعه کونلری ۱۵مینگدن ۲۰مینگگه قدر افغانستانلیک مهاجر کۉنگیلی روشده بو مملکتنی ترک قیلیب چیققنلر دېب تیلگه آلگن.
بوگتی نینگ تاکیدله‌شیچه: «ایالتی برچه مسووللر چیقاریش عملیات نینگ بیر بۉلیمی بۉله‌دی، ناقانونی قاچیقنلرنی انیقلش مقصدیده اولسواللیکلرده هم کمیته‌لر تشکیل بۉلگن.»
افغانلر قۉشیمچه بو مملکتده‌گی تۉپلم قاچقینلر سانینی اوچ میلیون دېب اعلان قیلیدی بوگتی.
عین حالده، پاکستان‌دن قاچینلر چیقاریلیشی اوچون بو مملکت نینگ تعیینله‌گنی مدتی یقینله‌شیشی بیلن، خلق ارا عفو تشکیلاتی افغان مهاجرلرینی بو اولکه‌دن چیقاریش انسان حقوقلرینی آیاق آستی ایتیش دېب معلوم قیلگن.
بو اداره نینگ رسمی حساباتیگه کۉره، افغانستانلیک ۱.۴ میلیون قاچقین پاکستان‌دن چیقاریلیش خوفیده لر.
