ایران بامیاده چیت‌ایللیک سیاح‌لر گه اۉیوشتیریلگن هجومنی «ترویستی» دیب اته‌دی
۸صبح، کابل: ایران تشقی ایشلر وزیرلیگی بامیان ولایتیده چیت‌ایللیک فقرالر گه اۉیوشتیریلگن قوراللی هجومنی قاره له‌گن.
ایران تشقی ایشلر وزیرلیگی سۉزلاوچیسی ناصر کنعانی، ۲۸ ثور، جمعه کونی بامیان ولایتیده‌گی واقعه نی «تروریستی حرکت» دیب اته‌گن.
ایران تشقی ایشلر وزیرلیگی سۉزلاوچیسی اوشبو واقعه طفیلی قربان بولگنلر نینگ عایله اعضالری بیلن همدردلیک بیلدیرگن.
اۉتگن کون عصر پیتی بامیان مرکزیده چیت‌ایللیک فقرالر و همراه‌لری گه قوراللی هجوم اۉیوشتیریلگن، اوشبو هجوم عاقبتیده اسپانیالیک اوچ فقرا و افغانستان‌لیک بیر فقرا اۉلیب و باشقه ییتّی کیشی یره‌لنگن.
اسپانیا باش وزیری پدرو سانچز، افغانستانده اوشبو مملکت فقرالری اۉلدیریلگنیدن حیرتده قالگنینی اېتگن.
بو هجوم مسوولیتینی حاضرگچه هېچ کیم یا ده گروه تن آلمه‌گن.
بامیان ولایتیده چیت‌ایللیک سیاح‌لر گه هجوم بیرقطار مملکتلر و خارجی عملدارلر نینگ قتیق مناسبتی بیلن دوچ بولگن.
افغانستان اوچون اروپا اتفاقی و امریکا وکیللری علیحده بیانیه‌لریده بو هجوم نی قاره‌لشگن.
