ایران اسلام جمهوریتی: طالبلر هیچ وقت ایران بیلن ایناغه بۉلمه‌یدی
۸صبح، کابل: ایران اسلام جمهوریتی کونده‌لیگی نینگ یازیشیچه، طالبلر هیچ بیر پیت ایران بیلن ایناغه بۉلمه‌یدی؛ لېکن رسمی تهران اېسه «خنجرلر زیانینی» کمه‌یتیریش مقصدیده ناچار بو گروهنی قوچاغیگه آلشگه اولگوره‌دی.
ایران اسلام جمهوریتی کونده‌لیگی۵ – جدی سه‌شنبه کونی «غمگین قوچاقلش» عنوانی آستیده نشر قیلگن مطلبده «بی‌تکرار و آغیریقلی قوچاقلش، ینگی خطا» دېب یازیشیچه، بو ایکّی ییللیک استراتیژیک خطادن کېین یوز بېره‌دی و ایرانگه فایده کېلتیرمه‌یدی.
کونده‌لیک نینگ قۉشیمچه قیلیشیچه، هېچ بیر دولت، جمله‌دن، ایران هم هېچ قچان طالباننی تن آلمه‌گن و افغانستان نینگ خلق ارا انستیتوتلرده‌گی اۉرنی گروهگه تاپشیریلمه‌گن.
تحلیلده ایتیلیشیچه، قانونی جهتدن هېچ بیر دولت طالباننی تن آلمه‌گنی اوچون گروه رسمیلری افغانستاننی رسمی مجلسلرده نمایش اېته آلمه‌یدی.
کونده‌لیک امیرخان متقی تهرانگه اگر افغانستان تشقی ایشلر وزیری صفتیده چقیریلگن بۉلسه، بونینگ قانونی و حقوقی اۉرنی یوق دېب کۉپه‌یتیرگن.
امیرخان متقی اۉتگن هفته ایرانگه سفر قیلیب، تهران‌ده بۉلیب اۉتگن حماس-اسراییل اوروشیگه دایر ییغینده قتنه‌شگن.
بو واقعه طالبان افغانستاننی اېگه‌للب آلگنیدن ایکّی ییل اۉتیب یوز بېرگن. شو پیتگچه هېچ بیر دولت گروهنی تن آلگنی یۉق.
تورلی دولتلر، جمله‌دن، ایران هم طالبان انسان حقوقلرینی حرمت قیلمه‌گونچه و افغانستان‌ده کېنگ قمراولی حکومت توزمه‌گونچه تن آلینمسلیکلرینی ایتیشگن.
