میلر: ابراهیم رییسی قریب تورت سنه ایران خلقینی شفقت‌سیزلرچه سرکوب اېتیشده شرکت قیلگن
امریکا تشقی ایشلر وزیرلیگی سۉزلاوچیسی متیو میلر، مملکتی ایران جمهور باشلیغی ابراهیم رییسی نینگ اولیمینی تسلیت دیسه ده، بیراق بو واقعیت ایران خلقینی شفقت‌سیزلرچه سرکوب اېتیش ایشینی اۉزگرتیره آلمه‌یدی.
میلر ۲۰ می، دوشنبه کونی خبری بیر ییغیلیشده ایتیشیچه، ابراهیم رییسی قریب تورت سنه ایران خلقینی «شفقت‌سیزلرچه» سرکوب اېتیشده اشتراک اېتگن.
اونینگ کوپه‌یتیریشیچه: «بیز هر قنده‌ی اولیمدن افسوس‌لنه‌میز. تیک‌اوچر قولشیده هېچ کیم نینگ اولیم طرفداری اېمس‌میز.، بیراق بو واقعه [رییسی] نی قاضی اوله‌راق همده ایران جمهور باشلیغی اوله‌راق و اونینگ قوللری قانگه بویلگن واقعیت نی اۉزگرتیرمه‌یدی.»
امریکا تشقی ایشلر وزیرلیگی اوشبو رسمی‌سی گه کوره، رییسی انسان حقلرینی نقض اېتیشده کوپ سانده موردلر جمله دن ۱۹۸۸ییلده مینگلب سیاسی محبوس نینگ ناقانونی اۉلدیریش و مهسا امینی نینگ اعتراض‌لرینی سرکوب اېتیشده قولی بار اېدی.
ایران، رییسی بولگن تیک‌اوچر نینگ قیدیرو عملیاتیده بو مملکتدن یاردم سۉره‌دی، بیراق لوژستیکی قیینچیلیک باعث واشنگتن اولر گه یاردم بیره آلمسلیگینی ادعا قیلگن، متیو میلر.
اونینگ تاکیدلشیچه، امریکا نینگ ایران گه نسبتن سیاستی اۉزگرمه‌گن و واشنگتن ایران دولتی نینگ تروریسم نی قۉللب-قوتلش، خوفلی و زمانه‌وی قورال ایشلب چیقریش و هسته‌ای دستوری گه قرشی حرکت‌لری گه دوام بیره‌دی.
ایران جمهور باشلیغی ابراهیم رییسی و تشقی ایشلر وزیری حسین امیرعبداللهیان و بیرگه‌لریده‌گی باشقه بیش کیشی نینگ تیک‌اوچری اوشبو مملکت نینگ آذربایجان ولایتیده قولب و نتیجه ده برچه کیشیلر هلاک بولگنلر.
بو واقعه دنیا بویلب کوپ سانده مناسبت‌لر گه سبب بولیب و بیرقطار مملکتلر اوشبو واقعه گه دایر عمومی ماتم اعلام قیلگنلر.
