متقی: داعش گروهی تهدیدی و چیگره‌لردن تشقری جنایتلر طالبان و مرکزی آسیا دولتلری‌نینگ قوشمه خواطری دیر
۸صبح، کابل: طالبان تشقی ایشلر وزیری امیرخان متقی، کابلده اوشبو گروه‌نینگ مرکزی آسیا دولتلری بیلن مصلحتلشوو اوچره‌شوویده ایتیشیچه، داعش گروهی تهدیدی، بنگی‌وار مادّه‌لر قاچاق اېتیلیشی و چیگره‌لردن تشقری جنایتلر ایکّی تامان‌نینگ قوشمه خواطرلری حسابلنه‌دی.
طالبان و مرکزی آسیا دولتلری اۉرته‌سیده‌گی مصلحتلشوو اوچره‌شووی یک‌شنبه کونی، ۱۶-حمل، کابلده اۉتکزیلگن.
متقی قۉشیمچه قیلیشیچه، طالبان اوشبو تهدیدلرگه قرشی کوره‌شیش اوچون قدملر قۉیگن.
طالبان بوندن آلدین مرکزی آسیا دولتلری‌نینگ یوقاری درجه‌ده‌گی وکیللری اوشبو اوچره‌شووده اشتراک اېتیشینی و سیاسی، اقتصادی همده خوفسیزلیک مسأله‌لری بۉییچه مذاکره‌لر آلیب باریلیشینی بیلدیرگن اېدی.
شانگهای همکارلیکلر تشکیلاتی نینگ خوفسیزلیک بۉلیمی جمعه کونی طالبان نظارتی آستیده‌گی افغانستانده ترورچی گروهلر فعالیتی آشگنیدن آگاه‌لنتیرگن اېدی.
