نبیل: طالبان تامانیدن خاتین قیزلر حبس گه آلینیش برابری ده سکوت «افغانی ناموس» گه قرشی دیر
سابق حکومت ده ملی خوفسیزلیک عمومی باشلیغی رحمت‌الله نبیل، کابل ده طالبان تامانیدن خاتین قیزلر نینگ حبس گه آلیش جریانی دوام تاپیشی گه مناسبت بیلدیریب ایتیشیچه، بوتوغریده سیاستچیلر، قوم بویوکلری و دین عالم‌لریدن بیرقطاری نینگ سکوتی، «اخلاقی قاعده» و «افغانی ناموس» گه قرشی دیر.
نبیل ۱۷-جدی، یک‌شنبه کیچه، ایکس اجتماعی ترماغی ده «صلح و آزادلیک اوچون عیاللر حرکتی» بیانیه‌سینی قیته ترقه‌تیب و بو قولگه آلینیش‌لرنی «اختطاف» دیب و بو توغریده سکوت قیلیشنی «وطن و مردم گه خیانت» دیب نامله‌گن.
او نینگ کوپه‌یتیریشیچه: «طالبان تامانیدن خاتین قیزلر نینگ قولگه آلینیشی برابری ده سیاستچیلر، قوم بویوکلری و دین عالم‌لریدن بیر قطاری نینگ سکوتی، نه فقط بو تاریخی جنایت گه شریک بولیش دیر، بلکه وطن و افغانستان خلقی گه خیانت قیلیش کبی دیر.»
سابق حکومت اوشبو رسمی‌سی بو سکوت نی اسلام قاعده‌لری گه قرشی دیب ایتیشیچه: «بیشیک دن گورگچه باله‌لریمیز قولاغیده زمزمه قیله‌دیگن افغانی غیرت، قییر گه کیتدی؟»
شو بیلن بیرگه، صلح و آزادلیک اوچون عیاللر حرکتی طالبان تامانیدن خاتین قیزلر نینگ اوز باشیمچه‌لیک شکلده قولگه آلینیش گه مناسبت بیلدیریب ایتیشیچه، بو گروه جنگری‌لری سونگی کون‌لر ده کابل و غزنی دن اونلب یاش عیال نی قولگه آلیب و نامعلوم جای گه انتقال بیرگنلر.
بو حرکت، طالبان نینگ اوشبو اقدامینی «ظالمانه» و «جنسیتی آپارتاید» نمونه‌سی دیگن.
صلح و آزادلیک اوچون عیاللر حرکتی ینه بیر مرته دنیا همجمعیت دن بو توغریده بیانیه‌لر ترقه‌تیش گه قوشیمچه، عملی اقدام قیلیب و طالبان بیلن همکارلیک قیلمسلیگینی سوره‌گن.
ایتیش کیره‌ک، طالبان سونگی نیچه کون ایچیده کابل نینگ تورلی منطقه‌لریدن اونلب یاش عیال نی حجاب نی رعایت ایتمسلیککه عیبلب حبس گه آلگن.
ینگی‌لیکده، اوشبو گروه جنگری‌لری ۱۷-جدی، یک‌شنبه کونی، کابل شهری نینگ تایمنی منطقه‌سیدن قطار یاش عیال نی قولگه آلگن دیدی، منبع‌لر.
طالبان بوندن آلدین، مذکور عیاللر نینگ قوییب یوباریش اورنیده، اولر نینگ عایله‌لریدن حجاب ایتیلیشینی قوللب-قوتلش اوچون همایش یولگه قوییش‌لرینی سوره‌گن.
