قۉشنی‌نینگ شکایتی؛ کابلده بیر عیال اۉزینی تۉرتینچی قوتدن تشلب اۉلدیردی
۸صبح، کابل: کابل شهرده‌گی منبعلر بو شهرده بیر یاش خاتین خودکشلیک قیلگنینی ایته‌دیلر.
خورشید تلویزیونی نینگ سابق ایشلاوچیسی حسنا سادات ۹-قوس پنج‌شنبه‌دن جمعه‌گه اۉترکېچه‌سی ساعت ۱:۰۰ده کابل شهری نینگ سلیم کاروان منطقه‌سیده طالبلر اوییگه هجوم قیلگندن کېین یوقاری قوتلی بیر بنانینگ تۉرتینچی قوتیدن اۉزینی تشلب اۉلدیرگن.
منبع نینگ روایت قیلیشیچه، «هلمندلیک قۉشنیسی» بو خاتیندن شکایت قیلگندن کېین طالبلر کېچه‌لب دروازه‌سینی سیندیریب اونینگ اوییگه کیره‌دیلر و بو گروه جنگریلری اوییگه کیریب کېلیشی بیلن، سادات اۉزینی اوی نینگ بالکنیدن پسگه تشله‌یدی.
قربان بولگن عیال نینگ طالبان امربه معروف و نهی ازمنکر محتسب اعضالریدن بۉلگن قۉشنیسی، سادات نینگ اوییده موسیقی آوازی بلند قۉیلگنیدن بو گروه نینگ جنگریلریگه شکایت قیلگنلر.
ساداتگه یقین منبعلر او قۉرقیشدن اۉزینی اۉلدیرگن دېب ایته‌دیلر.
منبع نینگ ایتیشیچه، حسنا سادات دن ایکّی ته کیچیک قیز قالگن.
عین حالده، منبعلر اونینگ عایله‌سی طالبان آرقلی باسیم آستیگه آلینگن و شونینگ اوچون هم اولر حادثه‌نی اۉغیرلیککه نسبت بېرگنلر دېب تاکیدله‌گنلر.
طالبان هنوزگچه بو حقیده رسمی بیر نرسه دېمه‌گنلر.
اوشبو حادثه طالبلر ایریم بۉلیملر جمله‌دن موسیقی اېشیتمسلیک اوچون آدملرگه چېکلاولر یره‌تگن بیر پیتده یوز بېرماقده.
اوشبو چېکلاولر دوامیده طالبلر انده – سنده یشاوچیلرنی کلتکلشگه قۉل اوره‌دی بو آدملر اۉرته‌سیده قۉرقووگه سبب بۉلگن.
