طالبان فاریاب‌ده خلق کوچلری‌نینگ بیر اعضاسینی حبسگه آلدی
۸صبح، فاریاب: طالبان سابق حکومت دوریده‌گی خلق کوچلری‌نینگ بیر اعضاسی فاریاب ولایتیده قورال و حربی جهازلرنی سقلش عیبی بیلن حبسگه آلینگنینی معلوم قیلدی.
طالبان نینگ فاریابده‌گی خوفسیزلیک قوماندانلیگی دوشنبه کونی، ۲۸ ثور، فیسبوک صحیفه‌سیده ترقه‌تگن بیاناتیده، اوشبو شخص‌نینگ اسمی شاه‌محمد بۉلیب، او پشتونکوت اولسواللیگی «بلوچ شاه نادر» قیشلاغی یشاوچیسی اېکنینی بیلدیرگن.
بیاناتگه کۉره، حبسگه آلینگن شخص جمهوریت دوریده اۉشه حدودده‌گی ایکّی «اربکی» پوسته‌سی نینگ قوماندانی بۉلگن.
طالبان قۉشیمچه قیلیشیچه، اوشبو شخص پنج‌شنبه کونی کېچقورون اوشبو گروه جنگچیلری تامانیدن حبسگه آلینگن.
طالبان دعوا قیلیشیچه، «شاه‌محمد»، حضوریدن یېنگیل و آغیر قوراللر، حربی کییملر، علاقه واسطه‌لری و باشقه اَیریم حربی جهازلر تاپیلگن.
بو شرایطده، سابق حکومت‌نینگ حربی کوچلری و خلق کوچلری‌نینگ طالبان تامانیدن حبسگه آلینیشی، قییناققه سالینیشی و اۉلدیریلیشی حقیده کۉپلب خبرلر عامه‌وی اخبارات واسطه‌لریده اعلان قیلینگن.
