طالبان نینگ تهدیدلری طفیلی عایله‌لر نینگ توسقین‌لیگی؛ عیاللر غرب حوزه‌سیده سکیز مارچ نی نشانله‌ی آلمه‌دی
مملکت غرب حوزه‌سیده عیاللردن بیرقطاری، طالبان نینگ شفاهی تهدیدلری باعث سکیز مارچ خلق‌ارا عیاللر نینگ بیردم‌لیک کونینی نشانله‌ی آلمه‌گنلرینی اېته‌دیلر.
هرات، غور، بادغیس، فراه و نیمروز ولایت‌لریده‌گی عیاللردن بیرقطاری ۱۹ حوت، شنبه کونی ۸صبح کونده‌لیگی گه ایتیشلریچه، طالبان اوشبو ولایت‌لرده خلق‌ارا عیاللر نینگ بیردم‌لیک کونینی نشانله‌مسلیک اوچون آگاه‌لنتیرگن.
طالبان نینگ تهدیدلری باعث سکیز مارچ نی حتا یاپیق مکان‌لرده نشانله‌ی آلمه‌گنلرینی معلوم قیله‌دیلر، اوشبو عیاللر.
هرات ده فعال عیاللردن فهیمه نینگ ۸صبح کونده‌لیگی گه ایتیشیچه: «طالبان اگر سکیز مارچ نی نشانله‌سک یا که اوشبو مناسبت بیلن ییغیلیش اۉتکزگن‌لریمیز دن خبر بولسه‌لر، قولگه آلیش اوچون آگاه‌لنتیردیلر.»
فهیمه نینگ کوپه‌یتیریشیچه، عایله اعضالری سکیز مارچ نی نشانلش بهانه‌سیده طالبان اولرنی بدنام قیلیش دن قورقیب و اولر گه رخصت بیرمه‌گن.
باشقه تاماندن، غور ده‌گی یاش قیزلردن بیری فرشته گه کوره، او باشقه بیر قطار قیزلر بیلن یاپیق مکان ده سکیز مارچ‌نی نشانلش گه قرار قیلگن اېکنلر، بیراق طالبان نینگ آگاه‌لنتیریشی و عایله اعضالری نینگ توسقین‌لیگی سبب نشانله‌ی آلمه‌گنلر.
طالبان اۉتگن ییل بعضی ولایت‌‌لر جمله دن هرات ده سکیز مارچ کونیده عیاللر نینگ ییغیلیشی گه باستیریب کېریب و اولردن بیرقطارینی قولگه آلگن اېدیلر.
عین‌حالده اۉتگن کون کابل ده طالبان طرفدارلریدن بیرقطاری خلق‌ارا عیاللر نینگ بیردم‌لیک کونی گه قرشی «حیا» ییغیلیش اۉتکزدیلر.
