اوچا: افغانستان شمالیده‌گی زلزله ضرر کۉرگنلری قیش باشیده شاشیلینچ یاردم‌گه احتیاجی بار
۸صبح، کابل: بیرلشگن ملتلر تشکیلاتی نینگ انسانپرورلیک یاردملرنی موافقلشتیریش باشقرمسی (اوچا) معلوم قیلیشیچه، افغانستان شمالیده بۉلگن زلزله‌دن بیر آی اۉتگنی‌گه قره‌مه‌ی، ضرر کۉرگن‌لر هنوز شاشیلینچ یاردم‌گه محتاج قالگن.
اوچا، ۱۳- قوس، پنجشنبه کونی اعلان قیلگن گزارشیده، قیش یقینلشی بیلن، کۉپلب ضرر کۉرگن عایله‌لرده یشش اوچون یېترلی باش‌پناه یۉقلیگینی تأکیدله‌دی.
تشکیلات قۉشیمچه قیلگنیچه، الدینگی ییللرده قورغاقچیلیکدن جدی ضرر کۉرگن حدودلر زلزله‌دن سۉنگ همان تیکلنیش اوچون کوره‌شماقده.
اوچا معلوم قیلیشیچه، زلزله جبردیده‌لریگه انسانپرورلیک یاردم یېتکزیلگن، بیراق کۉرسه‌تیلگن یاردم اهالی نینگ حقیقی احتیاجلریگه نسبتاً انچه کم دیر.
تشکیلات زلزله حدودلریده انسانپرورلیک یاردملرگه چقیرگن و باش‌پناه همده دستلبکی امکانیتلر نینگ یۉقلیگی سبب کۉپلب عایله‌لر نینگ قیشده‌گی حیاتی جدی خوف آستیده قالیشی ممکنلیگی حقیده آگاهلنتیرگن.
