آنلاین نکاحلر؛ بختلی آرزودن قولش دهشتی گه قدر
آنلاین تورموش قوریش و ساوچیلیک، افغانستان یشاوچیلری آره‌سیده جدی بیر مساله گه ایلنگن. اجتماعی ترماق ایشلاوچیلرنینگ اکثریتی مجازی صحیفه‌لر آرقه‌لی حیات یولداشینی تنلش گه سعی-حرکت قیله‌دیلر که بو تنلاولر بعضی حالتلرده مقابل تاماننی یخشی تانیمسلیک اوچون اجره‌لیش (طلاق) و عایله‌وی زوره‌وانلیکلر گه آلیب کېله‌دی. اوشبو گزارش‌ده آنلاین شکلده تانیشیب و اویلنگن یا که بیر-بیرینی سیوگن ۱۱ کیشی بیلن صحبت قیلینگن.
اوشبو صحبت‌لرده بو یول آرقه‌لی اویلنگن تورت کیشی، نهایت قۉشمه تیریکچیلیکلریگه دوام بیره آلمه‌ی و اجره‌لیشگن و باشقه بیش نفری آلگن قرارلریدن خورسندلیک قیلیب، مجازی ترماق آرقه‌لی تنله‌گن کیشی‌نینگ فکر-اویلاوی او بیلن تېنگ و قۉشمه شکلده یخشی حیات اوتکزیشماقده‌لیکلرینی اېتگنلر.
شونینگدیک، مجازی صحیفه‌ده آشنا بولگنلردن باشقه بیر کیشی، واقعی فضاده کورگنی بیلن فرقلی اېکنینی اېتگن و باشقه بیر کیشی، اجتماعی ترماق آرقه‌لی شکللنگن قۉشمه حیاتلریگه دوام بیرماقده اېکن، بیراق تورموش اورتاغیگه نسبتن گمانلی اېکنینی بیلدیرگن.
اوشبو گزارش‌نینگ معلوماتی اساسیده، آنلاین طرزده بولگن بعضی نکاحلر، قیزلر کوپراق معتادلر یا که بنگی‌وار ماده‌لر قاچاقچیلری بیلن دوچ بولگن. شونینگدیک، فرقلی سیما بیلن کوریلگن کیشیلر چت‌لرده بیرگن وعده‌لریگه وفا قیلمه‌گن. باشقه تاماندن، روان‌شناس‌لردن بیرقطاری، مقابل تاماننی تانیمسلیک بیلن بولگن آنلاین نکاحلر، تورلی روحی ضررلر گه دوچ بولیشی حقیده آگاه‌لنتیره‌دیلر.
انترنت و اجتماعی شبکه‌لر فقط علاقه قوریش واسطه اېمس بلکه حیات‌نینگ مهم قرار قبول قیلیشلری جمله‌دن اویله‌نیش گه ایلنگن. اوشبو گزارش‌نینگ معلوماتی اساسیده، آنلاین نکاحلر بیرقطار کیشیلر اوچون خورسندلیک و کېلیشوو و باشقه بعضی کیشیلر اوچون، حیات‌لری بوزیلیش، الده‌نیش و زوره‌وانلیک بیلن بیرگه بولگن.
فرشته (مستعار( ۲۹ یاشر قیز) ۱۰ییلدن کوپراق کانادا ده حیات کیچیرگن، اونشتیریلیش اچیق تجربه‌سی خصوصیده ایتیشیچه، بو نه‌فقط اویله‌نیشیگه سبب بولمه‌گن، بلکه اونینگ روحی ضرر کوریشیگه سبب بولگن. فرشته دستلب اجتماعی ترماقلر آرقه‌لی ییگیت بیلن گپیرگن، اونینگ بنگی‌وار ماده گه چلینگنیدن خبرسیزلیک بیرحالده.
بو قیز، آنلاین موفقیت‌سیز نکاح تجربه‌سی حقیده ایتیشیچه: «کابلده سابق قۉشنی‌میز، اورتاقلردن بیری‌نینگ واسطه‌سی بیلن اوغیلی مین بیلن اونشتیریلیش تکلیفینی بیردی. بیر مدت اوتگچ ییگیت بیلن آنلاین گپیردیم. کورینیشی، کیینیشی و عایله اعضالری یخشی اېدی اونی قبول قیلدیم. بیراق اونشتیریلگچ، تشویشلی حرکتلرینی کوردیم؛ هردایم اویقولی و تویغولریمگه نسبتن بی‌فرق و سۉزلریده بیر تور قرارسیزلیک سیزیلردی.»
فرشته‌نینگ کوپه‌یتیریشیچه: «ایکی یولده قالگندیم، بیر کون آته‌م‌نینگ اورتاقلریدن بیری کابل‌دن کېلگن اېدی، بیز گه مهمان بولدی اونشتیریلگنیمنی اونگه بیان قیلدیم، ییگیت‌نینگ عایله‌سیدن خبری بارلیگی اساسیده، اونینگ اخلاقی قیینچیلیگی بار و عایله‌سی اوندن قوتیلیب کانادا گه یوللش اوچون اونی نامزد قیلگنلر دیېدی. او پیت نامزدلیگیمیزدن اوچ آی اوتگن اېدی.»
اوشبو قیزنینگ ایتیشیچه: «ای کاش بیرینچیدن دقت قیلگن بولسم اېدی، احتمال بو حدگچه موفقیت‌سیزلیک حس قیلمسدیم. کانادا گه کېلیش یا که افغانستاندن قاچیش نیتی مینی راحت‌سیز قیلمه‌دی. اېنگ دهشتلیسی عایله‌سی‌نینگ اوندن قوتیلیشی اوچون میندن فایده‌لنیشی و بنگی‌وار ماده گه چلینگن‌لیگی اېدی.»
رحیمیه (مستعار)، ۳۴ یاشر شفاکار، جرمنیده بولگن افغانستان‌لیک بیر شفاکار بیلن آنلاین تانیشیب و توی قیلگنلر. اونگه کوره: «دستلب، علاقه‌میز ایش و بیلیم حقیده اېدی، بیراق استه-سیکین سیویشدیک و توی قیلیش گه قرار قیلدیک. تورموش قورگنیمدن سۉنگ جرمنی گه باردیم، بیراق تیزلیک بیلن متوجه بولدیم که کیچه‌لری کیچگچه قاله‌دی شراب ایچه‌دی و اورتاقلرینی اوی گه آلیب کېله‌دی. ناراضی‌لیک بیلدیردیم، ضعیف آواز بیلن بو ییر افغانستان اېمس و سین هم مین کبی یوریشینگ ممکن دیېدی.»
اوشبو شفاکارنینگ کوپه‌یتیریشیچه: «مدنیتلی و قاعده‌لی بیر محیطده وایه گه یېتگندیم بو احوالنی باشقه تحمل قیله آلمه‌دیم و نهایت ایناغم‌نینگ یاردمی بیلن اوندن اجره‌شدیم.»
ظریفه (مستعار) اجتماعی ترماق آرقه‌لی توی قیلیش اچیق تجربه گه ایگه بولیب و اېندی روحی توشکونلیک بیلن یوزمه یوز بولگن عیاللردن بیری دیر.
اونگه کوره، تلگرامی بیر گروه آرقه‌لی تورموش اورتاغی بیلن تانیشگن. توی‌دن کېین حیات یخشی بولیب دستلب ایران و کېین اېسه تورکیه گه مهاجرت قیلیش گه قرار قیلگنلر، بیراق استه-سیکین مناسبتلری بوزیلگن.
بو عیال‌نینگ ایتیشیچه: «دستلب خوشبخت بولگن‌میز دیب اویله‌دیم. ایران باردیک اوییردن تورکیه گه باردیک، بیراق کورینگن آدمدن جوده هم فرقلی اېکنلیگینی سیزدیم. کیچه‌لری کوپ کیچ اوی گه کېلردی، انده-سنده مست اېدی یا که اصلا اوی گه قیتمسدی. بهانه و یالغان اېتر اېدی. تلفونی هردایم قلف اېدی. استه-سیکین خوش‌گذرانلیک قیلیب و ناتوغری یول گه مصروف‌لیگینی سیزدیم. نه حرمت و نه وعده بار اېدی. اوندن ایضاح کېریتیشنی سوره‌گنیمده قاپال مناسبت بیلدیرردی.»
زهره (مستعار) آنلاین تانیشوو قربانلردن بیری دیر، اچیق تجربه‌سینی بونده‌ی بیان قیله‌دی: «سابق نامزدیم کسللریمدن بیری‌نینگ پایوازی اېدی. تلفون رقمیمنی واتساپ آرقه‌لی آلدی، آته‌سی‌نینگ دوالشی حقیده مصلحت سوره‌ش بهانه‌سی بیلن. استه-سیکین علاقه‌میز یخشی بولدی و دستلبکی تانیشوودن کېین اونشتیریلیش گه قرار قیلدیک. عایله‌منی جریانگه قویدیم، بیراق قریب بیر یریم آی‌دن کېین تیز توی قیلیش اوچون سعی-حرکت و اورینیشی باعث اونگه نسبتن گمان‌سیره‌دیم.»
اونینگ کوپه‌یتیریشیچه: «حرکتلری عجیب اېدی؛ اولگی کورینیشیدن جوده هم فرقلی اېدی. دارو سودا-ساتیغی بیلن مصروف‌لیگینی اېتگندی، بیراق قۉشنی‌لریدن بیری‌نینگ خاتینی آرقه‌لی بنگی‌وار ماده قاچاقیسی دیر و طالبلر حاکمیت نی قولگه آلیشی بیلن تورمه‌خانه‌دن آزاد بولگنی حقیده خبر بولدیم. کون اوتیشی بیلن اولگی کورینیشیدن جوده هم فرقلی اېکنلیگینی سیزدیم؛ ثبات‌سیز، مرموز و اخلاق‌سیز اېدی. بو حقده عایله‌م گه خبر بیردیم و اولر بو مناسبت دوام تاپیشیگه مانع بولدیلر.»
اورانوس (مستعار) اۉزی‌نینگ ایتیشیچه، انچه ییلدن بیری خطا قراری قیمتینی تولب کېله‌یاتگن عیاللردن بیری دیر.
اونینگ ایتیشیچه: «تورموش اورتاغیم ایناغه‌لریمدن بیری‌نینگ صنفداشی اېدی، کانکور گه تیارگرلیک کوریش فرملرینی حل قیلیش اوچون بیر گروه آرقه‌لی تانیشدیک. مناسبتی‌میز نامزدلیک و کېین اېسه توی قیلیش گه ایلندی. بیراق تیزلیک بیلن حقیقی سیماسینی کوردیم. بیرینچی کونلردن باشلب مینی بیلیم یورت باریشیمگه مانع بولدی. نامزدلیک پیتیده اخلاقی کم‌کم اوزگردی، بیراق توی قیلگندن سۉنگ یخشی بولیشگه امیدوار اېدیم.»
اورانوس گه کوره: «اخلاقی بیر تور اېمس اېدی؛ جنجلی، ثبات‌سیز و اۉزیدن کورستگن عکس. اېندی اوچ باله آنه‌سی من؛ ایکی اوغیل و بیر قیز. بیراق حیاتیم جهنم گه ایلنگن. ایریم کوپراق تینچلنتیرووچی و نشه‌لی قرص‌لرنی استعمال قیلیش بیلن مصروف. اوندن باله‌لریمیز اوچون ترک قیلیشنی سوره‌سم، زوره‌وانلیک بیلن مناسبت بیلدیریب، مینی و باله‌لریمنی قییناقله‌یدی و بیز گه نسبتن هېچ حرمتی یوق.»
شو بیلن بیرگه، اوشبو گزارش‌ده صحبت قیلگنلردن بیری‌نینگ ایتیشیچه، اونینگ آنلاین محبتی نکاح بیلن یکونلنمه‌گن.
اونینگ سوزلریگه کوره، سیویملی انسان‌نینگ حقیقی قیافه‌سی و کورینیشی بیر-بیریدن فرق قیلگن و حتا اوزاقدن بیلیب قالگنیده، او آی‌لر دوامیده گپلشیب یورگن آدم اصلیده اوندن انچه کته یاشده اېکن اوچره‌شیب فکریدن هم واز کېچگن.
سرافراز (مستعار) ۲۹ یاشر، ایتیشیچه، ۱۷ کیشیلیک بیر عایله‌ده وایه گه یېتگن و هردایم محبت‌سیزلیکدن رنجیگن.
اونگه کوره: «بیر کون فیسبوک آرقه‌لی بیرینی تاپیب و اونینگ راضی قیلیب و سۉزلریمنی تینگلش گه قرار قیلدیم. اوی ساچ یاغی یوق اېدی؛ واسلین چرب قیلدیم، ساچلریمینی تره‌دیم و خیرخانه حصه‌اول پارکی گه باردیم. اورتاغیمدن میندن صورت آلیشنی سوره‌دیم فیسبوک‌ده شریک قیلیش اوچون. اویگه قیتگچ، ایناغم‌نینگ فزیکی مناسبتی بیلن دوچ بولدیم، بیراق اوشه کیچه بیر کیشینی تاپدیم و خورسند اېدیم.»
اوشبو کیشی‌نینگ کوپه‌یتیریشیچه، تانیشگن کیشی بیلن علاقه‌سی آلتی آی دوام تاپیب و بیر کون ایکیله‌سی یقیندن تانیشیش گه قرار قیلگنلر.
اونگه کوره: «فیسبوک‌ده عشق‌نی تاپگنمن دیب اویله‌دیم، بیراق بو شاعرلیک سۉزلر آرقه‌سیده آنم‌نینگ یاشیده بولگن عیال بیلن دوچ بولگنیمنی بیلمه‌دیم؛ عشق اوچون اېمس، بلکه فایده‌لنیش اوچون اوشه ییرده یوره‌کیم سیندی؛ یالغاندن اېمس بلکه سیوگنیم اوچون.»
آنلاین نکاحلرده‌گی ناراضی‌لیک و موفقیت‌سیزلیکلر رقمی یوقاریلیگی بیلن، موفق حالتلردن کوز یومیب اوتیش ممکن‌سیز. گزارش‌ده صحبت قیلگن بعضی کیشیلر چقور تانیشوو و قۉشمه قرار قبول قیلیش بیلن، قۉشمه حیاتلرینی تیکلش گه اولگورگنلر.
موفق آنلاین نکاحلردن بیری، یوسف (مستعار) و تورموش اورتاغی‌نینگ حکایه‌سی دیر، اولر بیر درسی گروه آرقه‌لی تانیشگن. کېینلری بیری کابلده قالیب و بیری لندن گه مهاجرت قیلدی، بیراق صادقلیک بیلن بیر-بیری یانیگه توخته‌ب و بو ییل نامزد بولگنلر. اېندی عایله راضی‌لیگی و بیر-بیریدن یخشی تانیشیش‌لری اوچون قۉشمه حیاتلرینی باشله‌گنلر.
یوسف‌نینگ ایتیشیچه: «تورموش اورتاغیم بیلن مسنجر آرقه‌لی تانیشدیم و استه-سیکین سیویشدیک. طالبلر حاکمیتیدن کېین مین و عایله‌م لندن گه مهاجر بولدیک؛ بیراق مهاجرلیکدن سۉنگ هم بیرگن وعده‌م گه وفادار قالدیم. اېندی ییللردن کېین نامزد بولدیک و جوده هم خورسند من.
فیروزه، اینترنت آرقه‌لی موفقیتلی تورموش قورگنلرنینگ ینه بیر نمونه‌سی حسابلنه‌دی. او قرنطین دوریده بیر ادبی گروه آرقه‌لی حیات یارینی تاپگن عیالدیر. او ایته‌دیکی، کرونا ویروس قرنطینی وقتیده بیر شعر و حکایه نویسلیک گروهی آرقه‌لی تورموش اۉرتاغی بیلن تانیشگن. طالبلر حاکمیتگه کېلگنیدن سۉنگ، فیروزه عایله‌سی بیلن ایتالیا گه کۉچیب اۉتگنی، اۉشه پیتده اېسه اونینگ بۉله‌جک تورموش اۉرتاغی حلی هم افغانستانده بۉلگن و اولر حتا نامزاد هم بۉلمه‌گنلر.
اونینگ ایتیشیچه: «او مېنینگ آپه‌م نینگ اوییگه ساووچی گه باردی و آپه‌م عایله‌م نامیدن ایجابی جواب بېردی. اولا آنلاین نکاح قیلدیک. اوچ ییلدن سۉنگ نهایت اېریم‌نینگ حقوقی ایشلری هم توگه‌دی و همه قیینچیلیکلرگه قره‌مه‌ی، بیز بیرگه بۉلدیک. جوده خرسند من، اۉزیگه اۉخشش فکر و قره‌شلرگه اېگه انسان‌نی تاپیپ آلدیم.»
شو بیلن بیرگه، بعضی‌لرنینگ ایشنانچی گه کوره، انترنت آرقه‌لی شکللنگن تورموشلر یېترلی توشینیش، ملاقات و تانیشوو بیلن رۉی بېرسه، حیات یارینی یخشی شکل بیلن عاقلانه تنلش امکانینی بېره‌دی.
زبیر هم شونده‌ی یاشلردن بیریدیر و او ناتوغری عنعنوی تابولرنی بوزیش ضرورلیگینی تأکیدلب، انترنتده تانیشگن تورموش قوریشلرنی قۉللب-قوتله‌یدی. او قۉشیمچه قیله‌دی: «اگر یخشی روشده، اۉزارا توشینیش و حقیقی تنیشوو اساسیده نکاح توزیلسه، جوده یخشی بۉله‌دی.
بو فرزندلرنی آته-آنه‌‌نینگ مجبور‌یتی یاکه اولرنینگ حقینگنی حلال قیلمه‌یمن دېگن تهدیدلری بیلن نکاح‌گه مجبور قیلیشدن یخشی. عایله‌لر فرزندلری کته بۉلگنینی قبول قیلسینلر و اولر بو مهم قرارده اساسی رۉل اۉینشگه حقلی اېکنینی تن آلیشسینلر. اولر اوچون هېچ قنده‌ی تانیشووسیز انسان‌نی تنلب بېریشمه‌سین.»
زبیرنینگ تأکیدلشیچه: «بو کبی تانیشوولر حرمت و فکری بلوغ اساسیده بولسه، قوشمه تیریکچیلیک اوچون یخشی باشلنیش بولیشیگه ایشانه‌من.»
زیبا (مستعار) اېسه انترنت عالمیده بختنی تاپگن یاشلردن بیریدیر. اونینگ ایتیشیچه، او احتیاج و مهردن محروم محیطده اۉسگن و انترنتگه پناه تاپگن. او، اۉسمیرلیک دوریده خاله‌سینی اوغلی بیلن نامزاد بۉلگن، لېکن نامزادنینگ عایله‌سیده‌گی تحقیر و مِهرسیزلیگی اونی بو مناسبتدن اوزاقلشتیرگنینی اېته‌دی.
زیبا فیسبوک آرقه‌لی هراتده‌گی بیر یاش ییگیت بیلن تانیشه‌دی. بیرینچی ملاقاتلری عادی بۉلگن، اما استه-سېکین ایشانچ و محبتگه ایلنگن. او آلدینگی نامزادلیکنی بېکار قیلیشگه قرار قیله‌دی. هرات‌لیک ییگیت کابل‌گه کېله‌دی، اولر اوچره‌شه‌دیلر و اۉشه اوچره‌شوو تورموش قوریشگه قطعی قرار قبول قیلیشلری اوچون یېترلی بۉله‌دی.
او ایته‌دی: «حاضرده اوچ ییلدن بېری تورموش قورگنمیز. بیر قیزیم بار. حیاتیمیز عادی بۉلیشی ممکن، لېکن مِهرگه تۉله. مېن دایم شونگه اینتیلیب کېلگنمن.»
گرچه بعضی انترنت آرقه‌لی نکاحلر ایجابی نتیجه بېرگن بۉلسه-ده، حتا موفقیتلی مناسبتلرده هم بعضاً روحی و عاطفی باسیملر گه آلیب کېلگن.
شریف (مستعار) اېسه بیر نېچه ییللیک آنلاین مناسبتدن کېین تورموش قورگن انسانلردن بیریدیر. اونینگ ایتیشیچه، حاضرگی کونده استرس و تشویش اونینگ حیاتی دایمی قسمیگه ایلنگن، ایشانچ‌سیزلیک و شک تویغوسی اوندن قالمه‌یدی. شونینگدېک، او اۉشه دورده تعلیم و بیلیمگه صرفلش ممکن بۉلگن امکانیتلرنی یۉقاتگن‌لیک حسسی بیلن قیینه‌له‌دی.
شریف‌نینگ کوپه‌یتیریشیچه: «بو وقت مابینیده کیچه و کوندوز استرس و تشویش بیلن اۉتدی. راحتلیک یۉق اېدی، حتا اۉقیشگه بۉلگن اعتباریمنی یۉقاتدیم. هر قنچه اۉقیش شرایطی یخشی بۉلسه‌هم، مناسبت حقیده اۉیلب، کۉپ امکانیتلرنی قۉلدن بای بېردیم.»
شو بیلن بیرگه، بعضی روان‌شناس‌لر انترنتده‌گی نکاحلرنینگ ایکی تامانلمه تأثیرلریگه اشاره قیلیب، بونده‌ی نکاحلر ماس فکرلی و یخشی تورموش اۉرتاغینی تاپیش امکانینی‌هم ضررلر و روحی شکستلنیش خوفینی هم اۉز ایچیگه آله‌دی، دېب تأکیدله‌یدیلر.
روان‌شناس رضوانه رحیمی گه کوره، اگر انترنت آرقه‌لی شکللنگن نکاحلر یوزه‌کی تانیشوو و شخصی صفتلرنی چوقور اۉرگنمسدن عملگه آشیریلسه، اولر کۉپلب روحی کسل‌لیک خطرلرگه دوچ کېله‌دی.
اوشبو روحی شفاکارنینگ تأکیدلشیچه: «انترنتده معمول دیر آدملر اۉزلری‌نینگ آرزو قیلینه‌دیگن شخصیتینی نمایان قیلیشه‌دی.
بو یوزه‌کی و حقیقی بۉلمه‌گن تانیشوو حقیقی حیاتده‌گی تورموشگه یېتیب، شکست، ایشانچ یۉقالیشی، توشکونلیک و حتا شخصی انقراضیگه آلیب کېلیشی ممکن.»
اونینگ سۉزلریگه کۉره، بونده‌ی مناسبتلرده‌گی اساسی خوفلردن بیری بو حقیقی تانیشووسیز تېزکار باغلنیش بۉلیب، تورموش قوریلگندن کېین مدنی و خُلقی فرقلر سببلی بوزیلیشی ممکن.
رحیمی گه کوره: «عاطفی بوییچه الده‌ش، شخصیت حقیده یالغان معلومات بېریش یاکه حقیقی تورموش قوریش نیتیگه اېگه بۉلمسلیک — بونده‌ی مناسبتلرده‌گی ضررلر بۉلیب، اکثر وقت قیزلر بوندن جبر کۉره‌دی. کۉپینچه، عیاللر اۉزلرینی قدرسیز، ایشانچسیز و جوده روحی سینه‌گن حس قیله‌دیلر و بو تویغولر اوزاق وقت روحلریده سقلنیب قاله‌دی.»
شو بیلن بیرگه، سایبری پسیکولوژی مجله‌سیده چاپ اېتیلگن تدقیقات انترنت آرقه‌لی تانیشگن جفتلیکلر رسمی تورموش قوریش احتمالی کمراق، و اویلنگن تقدیرده‌هم اجره‌لیش یاکه طلاق احتمالی یوقاریراق اېکنلیگینی کۉرسته‌دی.
بو تدقیقات امریکا قۉشمه ایالتلریده ۴۰ مینگدن آرتیق انسان اوستیده اۉتکزیلگن بۉلیب، انترنتده تانیشگن جُفتلیکلرنینگ فقط ۳۲ فایزی تورموش قورگن، آفلاین تانیشگنلر آره‌سیده اېسه بو کۉرستکیچ ۶۷ فایزنی تشکیل قیلگن. شو بیلن بیرگه، آنلاین جفتلیکلرنینگ ۸ فایزی اجره‌شگن، آفلاین جُفتلیکلرده اېسه بو کۉرستکیچ فقط ۲ فایزنی تشکیل بیره‌دی.
میشیگان بیلیم یورتی‌ده تۉپلنگن معلوماتلرگه کۉره، آنلاین تانیشگن جفتلیکلر مناسبتلرینی باشله‌گن ایلک ۱۲ آی ایچیده اجره‌لیش احتمالی ۸۲ فایز یوقاری بۉله‌دی.
تدقیقات اساسیده عنعنوی اصوللر و ایش، دۉستلیک و عایله‌وی علاقه‌لر آرقه‌لی تانیشگن جفتلیکلر کۉپراق برقرار و اوزاق دوام اېتووچی مناسبتلرگه اېگه بۉله‌دیلر. انترنېت آرقه‌لی تانیشگنلر اېسه تېزده بوزیله‌دیگن، ضعیف مناسبتلرگه اېگه بۉلیش احتمالی یوقاری.
میشیگان بیلیم یورتی نینگ ینگی تدقیقاتلری شونی هم کۉرسته‌دیکی، آنلاین تانیشوو سایتلرینی ایشله‌تگنلر نینگ ۸۶ فایزی پروفایللر ناتوغری یاکه چلغیتووچی بۉلیشیدن خواطرده بۉلگن. نتیجه‌ده، بیر-بیریگه بۉلگن ایشانچ بیرینچی باسقیچده بوزیلگن بۉلیشی ممکن.
