پاکستان: دمشق ده ایران قنسولگرلیگیده‌گی هجوم منطقه ده کېسکینلیکّه سبب بوله‌دی
پاکستان تشقی ایشلر وزیرلیگی سۉزلاوچیسی ممتاز زهرا بلوچ سوریه پایتختی دمشق‌ده ایرا قنسولگرلیگیده اسراییل نینگ هوا هجومی گه مناسبت بیلدیریب، تل‌آویو نینگ بو حرکتی منطقه ده کېسکینلیکّه سبب بولیشیدن آگاه‌لنتیرگن.
اوشبو وزیرلیک ۱ اپریل، دوشنبه کونی بیر بیانیه ترقه‌تیب اسراییل نینگ بو هجومینی قتیق قاره له‌گن.
اوشبو بیانیه ده خانم بلوچ دن نقل قیلینیب کېلیشیچه:« بیز قربان‌لر عایله اعضالری و شونینگدیک ایران خلقی و دولتی گه چقور قیغوداش‌لیگیمیزنی بیلدیره‌میز.»
پاکستان تشقی ایشلر وزیرلیگی سۉزلاوچیسی اسراییل نینگ بو حرکتینی سوریه حاکمیتی و خلق‌ارا قانون-قاعده‌لر و بیرلشگن ملتلر تشکیلاتی تېزیمی نینگ بوزیش اته‌ب کوپه‌یتیریشیچه: «اسراییل کوچلری نینگ مسوول‌سیزلیک حرکتی منطقه ده بویوک کېسکینلیکّه سبب بولیشی ممکن.»
دیپلمات‌لر یا که دیپلماتیک مکان‌لر گه هجوم، ویانا ۱۹۶۱ کنوانسیون اساسیده دیپلماتیک مناسبت خصوصیده ناقانونی دیر دیه تاکیدله‌گن، پاکستان تشقی ایشلر وزیرلیگی سۉزلاوچیسی زهرا بلوچ.
پاکستان بیرلشگن ملتلر تشکیلاتی خوفسیزلیک کینگشیدن منطقه ده اسراییل نینگ بو گَل حرکتی و قۉشنی‌لری گه ناقانونی هجوم قیلیش و دیپلماتیک قوریلمه‌لرنی نشانگه آلیشی گه توسیق بولیشینی اېسته‌گن.
ایتیش کېره‌ک ۱ اپریل، دوشنبه کونی دمشق‌ده تهران قنسولگرلیگیده اسراییل حربی کوچلری نینگ هوا هجومی عاقبتیده، ایران سپاه پاسداران یېریک قوماندان‌لریدن محمدرضا زاهدی و محمدهادی رحیمی ایران‌لیک بیش عسکر بیلن هلاک بولگنلر.
بوندن آلدین ایران تشقی ایشلر وزیرلیگی تهران حقوقینی محفوظ سقلش گه قوشیمچه، متقابل اقدام گه مناسبت بیلدیریش اوچون قرار قبول قیلیشیدن آگاه‌لنتیرگندی.
عین‌حالده، بوندن آلدین روسیه، عمان و قطر بو هجوم نی قاره‌له‌گن اېدیلر.
روسیه تشقی ایشلر وزیرلیگی بیر بیانیه ترقه‌تیب اسراییل نینگ بو گَل اقدامینی «مطلق» ناقانونی اته‌ب و چېک قوییلیشینی اېسته‌گن.
