افغانستان عیاللری اوچون خلق محکمه‌سی؛ طالبان باسیمی آلدیده‌گی خلق‌ارا سکوت‌گه برهم بېریش مقصدیده چقیریق
امین کاوه
افغانستانلیک عیاللر اوچون خلق محکمه‌سی لاهه یکونی قرارینی اعلان قیلدی. اوشبو محکمه طالبان رهبرلرینی «انسانیتگه قرشی جنایت» و جنسی اساسلی باستیریشده عیبدار دېب تاپدی. قاضی‌لر، جبرلنگنلر گواهلیکلری و تۉپلنگن حجتلرگه ته‌یه‌نیب، طالبان تیزیملی روشده عیاللرنی تعلیم، ایش، اجتماعی اشتراک و حرکت اېرکینلیگیدن محروم قیلگنینی همده اولرگه نسبتاً زۉرآورلیک، اۉز اختیاری بیلن حبسگه آلیش و مقصدلی تبعیض قۉله‌گنینی تأکیدله‌دی. محکمه خلق‌ارا همجمعیت، بیرلشگن ملتلر تشکیلاتی، اسلام دولتلری و خلق‌ارا جنایی محکمه دن طالبان بیلن یومشاق سیاست و دیپلماتیک علاقه‌لرنی توخته‌تیشنی همده عیاللرگه قرشی باستیریشنی عادتگه ایلنتیریش نینگ آلدینی آلیشنی سۉردی.
افغانستانلیک عیاللر اوچون خلق محکمه‌سی، ۲۰- قوس، جمعه کونی، لاهه‌ده جانلی ییغیلیشده یکونی قرارینی اعلان قیلدی. محکمه‌لر طالباننی انسانیتگه قرشی جنایت و جنسی اساسلی باستیریشده عیبدار دېب تاپیب، خلق‌ارا همجمعیت و خلق‌ارا جنایی محکمه‌دن اوشبو مسأله‌گه جدی اعتبار بېریشنی و طالبان رهبرلری نینگ جوابگرلیگینی تأمینلشنی سۉردی.
افغانستانلیک عیاللر اوچون خلق محکمه‌سی نینگ دایمی کاتبی، جیانی توگنونی، عیبلاو دعواسیده طالبان رسمیلری انسان حقوقلرینی بوزگنینی تأکیدله‌گن. اوشبو دعواده طالبان رهبری، ایچکی ایشلر و مدافعه وزیرلری، اولر نینگ اۉرین‌باسرلری، طالبان عالی محکمه رئیسی، عالی اوقوو و معارف وزیری، طالبان استخبارات باشلیغی، امربالمعروف و نهی عن المنکر وزیری همده حج و اوقاف وزیری ناملری کېلتیریلگن. خلق محکمه‌سی ایتیشیچه، اوشبو طالبان رسمیلری نینگ حرکتلری انسانیتگه قرشی جنایت، خصوصاً جنسی اساسلی باستیریشنی تشکیل اېتگن و تقدیم اېتیلگن گواهلیک و حجتلرگه کۉره، بو حرکتلر افغانستان جماعت حیاتیدن عیاللرنی چیقریشگه قره‌تیلگن تیزیملی کمپنی نینگ بیر قسمی بۉلگن.
خلق محکمه‌سی یکونی قراریده طالبان یوقاری رهبرلرینی انسانیتگه قرشی جنایتلر عملگه آشیرگن شخصلر صفتیده تن آلیب، اولرنی «جنسی اساسلی تبعیض» بیلن عیبدار دېب تاپگن. محکمه شونینگدېک، طالبان رهبرینی عیاللرگه قرشی سیاست بۉییچه یکونی قرار قبول قیلووچی و بو گروه نینگ قطعی ایدیولوژی‌سی نینگ اساسی جوابگری دېب اعلان قیلگن. خلق محکمه‌سی قراریگه کۉره، هبت‌الله اخوندزاده طالبان نینگ اوشبو سیاستلری بۉییچه اساسی قرار قبول قیلووچی شخص صفتیده تن آلینگن و اونینگ رهبرلیگی ایدیولوژیک قطعیلیک و عیاللرگه کېنگ چېکلاولر قۉللش بیلن بیرگه بۉلگن.
قرارده شونده‌ی ایتیلیشچه، طالبان ایچکی ایشلر وزیری، سراج‌الدین حقانی،گروه جنگچیلرینی و استخبارات نی تیزیملی زۉرآورلیک و باستیریشده ایشله‌تگنلیگی سببلی عیبلاوگه تارتیلگن. شونینگدېک، طالبان مدافعه وزیری، محمد یعقوب، اوشبو چېکلاولرنی عملگه آشیریشده قوراللی کوچلرنی نظارت قیلگنی سببلی عیبلنگنلر رۉیخطیگه کیریتیلگن.
محکمه، عبدالغنی برادر، طالبان اۉرین‌باسر وزیری، عیاللر نینگ جماعت حیاتیدن چیقریلیشیگه آلیب کېلگن قرار قبول قیلیش جریانیده اشتراک اېتگنلیگی سببلی عیبلنگن. شونینگدېک، طالبان حج و اوقاف وزیری، نورمحمد ثاقب، عیاللرگه قرشی تبعیض اساسینی تشکیل اېتووچی دینی کۉرسه‌تمه‌لرنی چیقریشده جوابگر دېب تاپیلگن. خلق محکمه‌سی قراریگه کۉره، طالبان امربالمعروف و نهی عن المنکر وزیری، محمدخالد حنیفی، عیاللرگه چېکلاولرنی تۉغریدن-تۉغری باشقریشی و اولرنی چېکلاوچی حکملرنی عملگه آشیریشی سببلی عیبلنگن.
خلق محکمه‌سی قراریده شونده‌ی دېییلیشیچه: طالبان عالی محکمه‌سی رئیسی، عبدالحکیم حقانی، اوشبو گروه نینگ محکمه ایدیولوژی‌سی نینگ اساسچیسی صفتیده تن آلینگن و طالبان عالی اوقوو وزیری،ندا محمد ندیم، عالی تعلیمنی تۉلیق تعقیقلش اوچون جوابگر دېب تاپیلگن. شونینگدېک، معارف وزیری، حبیب‌الله آغا قیزلر تعلیمینی تعقیقلش سیاستینی عملگه آشیرووچی صفتیده، طالبان استخبارات باشلیغی، عبدالحق وثیق بو نهادنی باستیریش و مجبوری نظارت واسطه‌سی صفتیده ایشله‌تگنی اوچون عیبلنگن دېب اعلان قیلگن.
محکمه بو چاره‌لرنی جمعیتدن عیاللرنی چیقریشگه قره‌تیلگن تیزیملی کمپنی نینگ بیر قسمی دېب حسابله‌یدی و حقوقی نقطه‌ی نظردن خصوصاً «جنسی اساسلی باستیریش» صفتیده انسانیتگه قرشی جنایت صفتیده بهاله‌یدی.
خلق محکمه‌سی قاضی‌سی، غزال حارس، بیرلشگن ملتلر تشکیلاتی، اسلام دولتلری و خلق‌ارا جنایی سوددن افغانستاندهگی عیاللر نینگ حقوقلری بوزیلیشیگه نسبتاً جواب بېریشنی سۉره‌گن. او آگاهلنتیریچه: خلق‌ارا سیاست نینگ طالبان آلدیده‌گی یومشاقلیگی و بو گروه بیلن دیپلماتیک علاقه‌لر عیاللرگه قرشی خوف توغدیره‌دی و طالباننی جسارتلی قیله‌دی، نتیجه‌ده دنیا‌ده‌گی عاقبتلر یوزه‌گه کېله‌دی. هریس شونده‌ی ایتیشچه: «طالباننی عادتگه ایلنتیریش نه‌فقط افغانستان عیاللری و قیزلری اوچون ضررلی، بلکه دنیاده گی عادیلشتیریش اساسلرنی هم ضعیفلشتیره‌دی.»
اوشبو قاضی شونی هم آگاهلنتیرگنیچه: جوابگرلیک تیزیمی یۉقلیگی عاقبتلری جوده جدی دیر و اگر خلق‌ارا همجمعیت طالباننی قبول قیلسه، عیاللر امیدلرینی یۉقاته‌دی. او قۉشیمچه قیلگنیچه: افغانستان خلقی نینگ، خصوصاً عیاللر نینگ، قرشیلیگی تن آلینیشی لازم و خلق‌ارا همجمعیت افغان فقرالری نینگ حقیقی اشتراکینی تأمینلشی ضرور. او تأکیدلشیچه: خلق‌ارا جوابگرلیک شونده‌ی بۉلیشی کېره‌ککی، افغانستان عیاللری قرار قبول قیلیش جریانلریده اساسی اشتراکچیلر صفتیده کۉریلسین.
باشقه خلق محکمه‌سی قاضی‌سی، الیسندا کالوت ماتینز، جبرلنگنلر گواهلیگی و تۉپلنگن حجتلرگه اساسلنیب، طالبان «عیاللرگه قرشی دنیاقره‌ش» و سیاسی کوچدن فایده‌لنیش همده جاری چېکلاولر آرقه‌لی جنسی جنایتلر صادر قیلگن دېب قرار قیلگنینی ایتگن. او قۉشیمچه قیلگنیچه: محکمه خلق‌ارا قانونلر و رم منشوریگه اساسلنیب، طالبان نینگ عیاللرگه قرشی کېنگ کۉلملی حرکتلری باستیریش صفتیده بهالنگنینی خلاصه قیلگن. او تأکیدله‌گن: قاضی جماعه‌سی شونی دلیل قیلیب، طالبان نینگ عیاللرگه قرشی تیزیملی و انستیتوتلشتیریلگن تبعیض ۱۴۰۰ ییل بهاریدن بېری جنسی باستیریش نینگ انیق نمونه‌سی دیر.
اوشبو محکمه طالبان سیاستلری و حرکتلرینی «انسانیتگه قرشی جنایت» و جنسی اساسلی باستیریش صفتیده بهاله‌گن و تأکیدلگنیچه: عیاللرنی تیزیملی و مقصدلی روشده باستیریش کمپنیسی، طالبان رهبری فرمانلری آرقه‌لی عملگه آشیریلگن و بو خلق‌ارا قانونلرنی آچیقچه بوزیش حسابلنه‌دی.
افغانستانلیک عیاللر اوچون خلق محکمه‌سی قاضی‌سی، رشیده منجو، محکمه جماعه‌سی ایتگنیدېک، طالبان حرکتلری «انسانیتگه قرشی جنایت» خصوصاً جنسی اساسلی باستیریش صفتیده بهالنگنینی و تبعیض گه اساسلنگن ایدیولوژی آرقه‌لی شکللنگنینی بیلدیرگن. او قۉشیمچه قیلگنیچه: طالبان رسمیلری قۉله‌گن اصوللر تیزیملی باستیریش طبیعتینی کوچه‌یتیرگن و عیاللر اوچون جسمانی، روحی، اجتماعی و اقتصادی جدی عاقبتلر کېلتیرگن. منجو تأکیدلشیچه: حقوقی تحلیل و تقدیم اېتیلگن دلیللرگه کۉره، طالبان عیاللرنی تعلیم، ایش، اجتماعی اشتراک و حرکت اېرکینلیگیدن تشکیل اېتیلگن طرزده تیزیملی روشده محروم قیلگن و بو جریان حقوقی جهتدن «جنسی باستیریش جنایتی» صفتیده بهالنیشی ممکن.
منجو قۉشیمچه قیلیشچه: محکمه‌لر کېنگشی طالبان سیاستلرینی «انسانیتگه قرشی جنایت» دېب بهاله‌گن و اوشبو گروهنی «دفاکتو» کوچ صفتیده مسوول دېب تاپگن. او ایتیشچه: محکمه، شونینگدېک، طالبان حرکتلرینی باشقه «ناهوش انسانی عمللر» صفتیده تصنیفله‌گن و توشونتیرگن: گرچه «جنسی اجره‌تیش (آپارتاید)» حلی خلق‌ارا قانونده جنایت صفتیده بېلگیلنگن بۉلمسه-ده، افغانستاندهگی عیاللر نینگ حالتینی توشونتیریش اوچون اوشبو اتمه ایشله‌تیلگن. رشیده منجو تأکیدلشیچه: عیبلاو فقط طالباننی اوشبو حرکتلر نینگ عملگه آشیرووچیسی صفتیده مرکزلشتیرگن و محکمه ده تقدیم اېتیلگن دلیللر کۉرسه‌تگن بو حرکتلر جمعیت حیاتیدن عیاللرنی چیقریش و جمعیت توزیلمه‌سینی اۉزگرتیریش مقصدیده عملگه آشیریلگن.
باشقه خلق محکمه‌سی قاضی‌سی، امیلیو رامیرز ماتوس، طالباندن افغانستاندهگی انسان حقوقلری بۉییچه خلق‌ارا مجبوریتلرگه رعایه قیلیشنی و فقرالر، خصوصاً عیاللر نینگ اساسی حقوقلرینی بوزیشدن واز کېچیشنی سۉره‌گن. او تأکیدلشیچه: طالبان فقرالر نینگ حیاتگه، تېنگلیککه، حرکت اېرکینلیگیگه و ایشگه حقوقینی حمایه قیلیش اوچون جوابگرلیکنی اۉز ذمه‌سیگه آلیشی کېره‌ک. رامیرز شونده‌ی ایتیشچه: «افغانستان بیر نېچته انسان حقوقلری بیتیملریگه امضا قۉیگن، اما بوگونگی کونده افغانستانده سیز عیال یاکه معلول بۉلسنگیز، عملده هېچ نرسه‌گه اېگه اېمسسیز.»
افغانستان عیاللری اوچون خلق محکمه‌سی قاضی‌سی،آراسیلی گارسیا دل سوتو، طالبان عیاللرنی محکمه حاکمیتیدن واسطه صفتیده فایده‌لنیب باستیره‌دی، دېگن. اونگه کۉره، عیاللرگه انسانیتدن محروم قیلیش اولرنی پستکی طبقه صفتیده قبول قیلینیشیگه آلیب کېلگن و عملده جسماناً جمعیتدن یۉق قیلینیشگه سبب بۉلگن.
اوشبو محکمه قۉشیمچه قیلیشچه: هزاره‌لر، تاجیکلر، شیعه‌لر و معلول عیاللر اۉزلری نینگ کۉپ قتلملی شخصیتی سببلی ایکی برابر باستیریشگه دوچ کېلگن. او تأکیدلشیچه: طالبان نینگ شریعتنی قتیق و تار نظریه سی اوشبو گروه سیاستی نینگ اساسیدیر، حال‌بوکه باشقه اسلامی تشکیلاتلر بو تلقیننی تنقید قیله‌دیلر. شونینگدېک، او طالبان عیاللرنی طبی خدمتلرسیز قماقده اوشلب تورگنینی و بو خلق-اطوار نتیجه‌سیده روحی و جسمانی ضررلر یوزه‌گه کېلگنینی ایتگن؛ جمله‌دن، گاز دن فایده‌لنیش، عیاللرنی اۉغیرلش، مجبوری یۉق قیلینیش و قتیق کلتکلش نتیجه‌سیده بیر عیال فلج بۉلگن و بیر حامله‌دار عیال حامله‌نی یۉقاتگن.
سوتو قۉشیمچه قیلیشچه: جبرلنگنلر ایتگنیدېک، طالبان عیاللرنی اجتماعی عیبلش آرقه‌لی جزالشگه حرکت قیله‌دی و کۉپلب عیاللر اۉز حقوقلرینی حمایه قیلیش یاکه ظلمنی خبر قیلیش یۉلینی تاپه آلمه‌یدیلر. اونگه کۉره، اوشبو دایمی قۉرقیتیش محیطی و طبی خدمتلر نینگ یۉقلیگی جنایتچیلر نینگ جزادن قاچیشی و جبرلنگنلر آره‌سیده اۉز-اۉزینی ضرر یېتکزیش و اۉزینی اۉلدیریش حالتلری نینگ آشیشیگه سبب بۉلگن. او تأکیدلشیچه: بو تشویش نه‌فقط عیاللرگه، بلکه اولر نینگ عایله‌لریگه هم تأثیر قیلگن و بیر اولاد افغانستانده تروما و قۉرقوو بیلن یشه‌ماقده.
اوشبو خلق محکمه‌سی قاضی‌سی شونینگدېک ایتیشچه: ژورنالیستلر و انسان حقوقلری حمایه‌چیلری اوچون هم ایش فعالیتی محیطیده چېکلاولر موجود و افغانستان نینگ ۲۰ ولایتیده اۉتکزیلگن سۉراوده ۶۰ فایز تاپیلمه لر بو وضعیتنی جنسی اجره‌تیش (آپارتاید) صفتیده رسمی تن آلیشنی طلب قیلگن. او تأکیدلشیچه: بعضی عیاللر مجبوری کۉچیشگه یوز توتگن و حتا عایله‌سی و فرزندلرینی آرتده قالدیرگن.
شو بیلن بیرگه، شیرین عبادی،، حقوقشناس و نوبل تینچلیک مکافاتی ساورینداری، افغانستان عیاللری اوچون خلق محکمه‌سی قراری نینگ یکونی اعلانیده خلق‌ارا همجعیتدن طلب قیلگن: طالبان بیلن مناسبتلرنی عیاللر نینگ حقوقلری یخشیلنیشیگه شرطلنگ. او ایتیشچه: طالبان شریعت نامیدن سوءاستعمال قیلگن حالده عیاللرنی تعلیمدن محروم قیلگن. عبادی تأکیدلشیچه: افغانستان عیاللری حقوقلری اوچون کوره‌شده یالغیز قالگن و افغانستان جمعیتی اېرککلریدن طالبان نینگ ظلم و باستیریشیگه قرشی اۉز عیاللرینی حمایه قیلیشنی سۉره‌گن.
نوبل تینچلیک مکافاتی ساورینداری شونده‌ی ایتیشیچه: طالبان رهبری و عالی محکمه رئیسینی حبسگه آلیش بۉییچه بویروققه قره‌مه‌ی، بو چاره یېترلی اېمس و دولتلردن طالبان بیلن مناسبتلرینی اوشبو گروه نینگ خلقینی اۉزگرتیریشگه شرطلشنی سۉره‌گن. اونگه کۉره، عیاللر اېران و افغانستانده بیر خیل طرزده دین نامی آستیده ظلمگه دوچ کېله‌دی.
شونینگدېک،، بیرلشگن ملتلر تشکیلاتی نینگ عیاللر و قیزلرگه قرشی تبعیض بۉییچه ایشچی گروهی وکیلی، ایوانا کرستیک، طالبان نینگ عیاللرگه قرشی حرکتلری تیزیملی و مقصدلی اېکنینی آگاهلنتیرگن. او ایتیشیچه: برچه افغانستان عیاللری و قیزلری رېجه‌لشتیریلگن طرزده تورلی ساحه‌لردن چیقریلگن. اونگه کۉره، عیاللر و قیزلر نه‌فقط اېرکینلیک، تعلیم و اجتماعی اشتراکدن محروم قیلینگن، بلکه اۉز اختیاری بیلن حبسگه آلینه‌دی، قییناققه سالینه‌دی و قماققه آلینه‌دی. او تأکیدلشیچه: «اوشبو حرکتلر انیق جنسی باستیریش صفتیده نمایان بۉله‌دی.»
اوشبو ایشچی گروه وکیلی تأکیدلشیچه: افغانستانده باستیریش تصادفی حادثه اېمس، طالبان اېسه عیاللرنی پستکی طبقه و دایمی محروم اېتیلگن حالگه کېلتیریشنی مقصد قیلگن تشکیل اېتیلگن جریاننی عملگه آشیرماقده.
بیرلشگن متلر تشکیلاتی نینگ افغانستاندهگی انسان حقوقلری بۉییچه مخصوص گزارشگری، ریچارد بنت، خلق محکمه‌سی مجلسیده شونده‌ی ایتیشچه: محکمه قراریگه کۉره، طالبان سیاستلری «جنسی آپارتاید» صفتیده نمایان بۉله‌دی. او تأکیدلشیچه: خلق‌ارا همجعیت جنسی اپارتایدنی خلق‌ارا حقوق نورملریده جنایت دېب اعلان قیلگن حالده طالباننی اولر نینگ تبیعیضلی حرکتلری اوچون جوابگرلیککه تارتیشی لازم دیر.
بنت طالبانگه نسبتاً قانونیلیک بېریش بۉییچه حرکتلرنی تنقید قیلگن و شونده‌ی ایتیشیچه: بو یاندشوو گروهنی جسارتلی قیله‌دی. اونگه کۉره، «جنایتچی رېژیمگه قانونیلیک بېریش برقرارلیکنی قۉللب-قوتلش اېمس؛ عکسینچه، تبعیض و زۉرآورلیک سیکلینی دوام اېتتیریشگه یاردم بېره‌دی.» او بیرلشگن ملتلر تشکیلاتیدن خلق سودی قرارینی قبول قیلیشنی و افغانستان عیاللری نینگ مملکتده حکمران بۉلگن جنسی اپارتایدگه قرشی کوره‌شیده اولر نینگ یانیده توریشنی سۉره‌گن.
بنت شونینگدېک، طالبان نینگ جدی تهدید و خوفلریگه قره‌مه‌ی، «جسارت بیلن» خلق سودی مجلسیده اشتراک اېتگن و باستیریش همده زۉرآورلیک حقیده گواهلیک بېرگن شخصلرگه منتدارلیک بیلدیریبدی. او ایتیشیچه: بو گواهلیکلر جبرلنگنلر نینگ عدالتنی تأمینلش یۉلیده مهم رۉلینی کۉرسه‌ته‌دی.
انسان حقوقلری بۉییچه مخصوص گزارشگری تأکیدلشیچه: او، اۉز وظیفه‌لری نینگ طبیعتی سببلی هر کونی طالبان جنایتلری جبرلنگنلری نینگ تورلی حکایه‌لری بیلن یوزمه-یوز بۉله‌دی، اما خلق محکمه‌سی اوشبو حکایه‌لرنی کېنگ جماعتچیلیککه یېتکزیش امکانینی یره‌تگنی اوچون ممنون. اونگه کۉره، طالبان نینگ تبعیضلی سیاستلری نتیجه‌سیده اېنگ کته ضرر کۉرگنلر کۉپینچه چېتگه سوریله‌دی. او قۉشیمچه قیلیشچه: افغانستان فقرالری نینگ آوازینی بونده‌ی محکمه کبی جریانلر مرکزیگه قۉییش نه‌فقط اخلاقی مجبوریت، بلکه کېله‌جکده افغانستانده انسان حقوقلری حالتینی یخشیلش بۉییچه حرکتلر اوچون مۉدل حسابلنه‌دی.
عیاللر و قیزلرگه قرشی زۉرآورلیک بۉییچه بیرلشگن ملتلر تشکیلاتی نینگ مخصوص گزارشگری، ریم السالم، ایتیشیچه: خلق محکمه‌سی قراری طالبان رهبرلریگه قرشی مهم و تقدیری قرار بۉلیب، افغانستان عیاللری و قیزلری نینگ آوازینی کوچه‌یتیره‌دی. او تأکیدلشیچه: بو قرار طالبان نینگ خلق‌ارا حقوق نورملرینی کېنگ کۉلمده بوزگنینی کۉرسه‌ته‌دی. اونگه کۉره، محکمه قراری طالبان تامانیدن عیاللرگه نسبتاً عملگه آشیریلگن باستیریشلر آنگلی، مقصدلی و اولرنی جماعت حیاتیدن تۉلیق چیقریش نیتیده اېکنینی اثباتله‌یدی.
السالم تأکیدلشیچه: طالبان عیاللرگه نسبتاً قۉله‌گن بعضی تبعیضلی حرکتلر اساسی اصوللرگه ضد بۉلیب، هېچ بیر دولت اوندن چېکینیش حقوقیگه اېگه اېمس. او شونده‌ی ایتیشیچه: قاضی لر اوشبو قرارده جنایت دېب اعلان قیلینگن توشونچه‌لرگه ته‌یه‌نگن و طالبان نینگ خطی-حرکتلرینی خلق‌ارا حقوق دایره‌سیده جوابگرلیککه تارتیش ممکنلیگینی تأکیدله‌گن.
مخصوص گزارشگر قۉشیمچه قیلیشیچه: طالبان عیاللر نینگ ایشگه کیریش امکانیتلریگه کېنگ چېکلاولر قۉیگن، و بو جریان عملده اولرنی اقتصادیات و حیاتگه عاید قرارلر قبول قیلیشدن چېتلشتیرگن. اونگه کۉره، بو چېکلاولر تیزیملی روشده ایشلب چیقیلگن بۉلیب، مقصدی عیاللرنی اجتماعی حیاتدن چیقری شدیر. او اېسلتیشچه: طالبان ساغلیقنی سقلش خدمتلرینی تقدیم اېتیشده تۉسقینلیک قیلگن، حتا عیاللر اوچون حامله‌دارلیک و توغروق جریانینی هم مرکبلشتیرگن. السالم آگاهلنتیرگنیچه: بو حالت هېچ قچان عادی حالگه ایلنیشی ممکن اېمس، چونکه اونینگ عادیللشتیریلیشی قَیتیش یۉلینی یۉق قیله‌دی.
بیرلشگن ملتلر تشکیلاتی نینگ مخصوص گزارشگری قۉشیمچه قیلیشیچه: طالبان عیاللر نینگ ایشگه کیریش امکانیتلریگه کېنگ چېکلاولر قۉیگن و بو جریان عملده اولرنی اقتصادیات و حیاتگه عاید قرارلر قبول قیلیشدن چېتلشتیرگن. اونگه کۉره، بو چېکلاولر تیزیملی روشده ایشلب چیقیلگن بۉلیب، مقصدی عیاللرنی اجتماعی حیاتدن چیقریشدیر. او اېسلتیب ایتیشیچه: طالبان ساغلیقنی سقلش خدمتلرینی تقدیم اېتیشده تۉسقینلیک قیلگن، حتا عیاللر اوچون حامله‌دارلیک و توغروق جریانینی هم مرکبلشتیرگن. السالیم آگاهلنتیریشیچه: بو حالت هېچ قچان عادی حالگه ایلنیشی ممکن اېمس، چونکه اونینگ عادیللشتیریلیشی قیتیش یۉلینی یۉق قیله‌دی.
اوشبو بیرلشگن ملتلر تشکیلای رسمی‌سی شونینگدېک ایتیشیچه: طالبان تامانیدن عیاللرگه نسبتاً قۉللنیلگن باستیریش اولر نینگ جسمانی، روحی، اجتماعی و اقتصادی حیاتیگه کېنگ تأثیر کۉرسه‌تگن و بعضی حاللرده جبرلنگنلرنی اۉز-اۉزینی ضرر یېتکزیش و اۉز جانیگه قصد قیلیشگه یېته‌کله‌گن. السالیم قۉشیمچه قیلیشیچه: «جنسی نسل کشیلیک» کبی توشونچه‌لر هم افغانستاندهگی عیاللر نینگ حقوقی حالتینی تحلیل قیلیشده اعتبارگه آلینیشی ممکن، چونکه طالبان گروهنی فقط‌گینه عیال بۉلگنی اوچون نشانگه آلگن. او تأکیدلشیچه: بو قرار فقط رمزی حجت صفتیده قالمسلیگی کېره‌ک و خلق‌ارا همجمعیت اوندن افغانستانده عیاللرگه نسبتاً باستیریش نینگ عادی للشتیریلیشینی آلدینی آلیش اوچون فایده‌لنیشی لازم دیر.
خلق محکمه‌سی، افغانستان عیاللری اوچون جاری ییل نینگ میزان آییده اوچ کون دوامیده مادریدده اۉتکزیلدی. اوشبو مجلسده ثارنوال لر و افغانستان عیاللری و قیزلری معلوماتلرگه ته‌یه‌نگن حالده طالباننی عیبلشدی. تۉرت چهار و ۲۰ دن آرتیق گواه عیاللر نینگ تعلیم آلیش و ایشگه کیریش حقوقلرینی چېکلش، اۉز اختیاری بیلن حبسگه آلیش و ناراضیلیکلرنی باستیریش بۉییچه دلیللرنی تقدیم اېتدیلر، جبرلنگنلر اېسه گواهلیکلرینی هم شخصا، هم آنلاین طرزده بیلدیردیلر.
اوشبو محکمه ده جنسی اساسده جنایتلر، تعلیم آلیش حقوقیدن محروم قیلیش، سیاسی و فقرالیک اشتراکینی چېکلش و عیاللر نینگ ایشگه کیریش حقوقیدن محروم قیلیش کبی عیبلاولر کۉتریلدی. محکمه‌لر اوچ کونلیک مجلس آخریده شونده‌ی خلاصه قیلیشدی: افغانستان عیاللری نینگ آوازی اېشیتیلدی و طالبان عادی للشتیریلمسلیگی کېره‌ک.
