پروان ده ایکّی کیشی آره‌سیده فزیکی تارتیشوو؛ «واسطه‌چی کیشی هلاک بولدی»
۸صبح، پروان: پروان ده‌گی محلی منبعلر نینگ ایتیشلریچه، اوشبو ولایتده بیر کیشی باشقه ایکّی شخص نینگ فزیکی تارتیشووی طفیلی هلاک بولگن.
منبعلر ۱۲ حمل، یک‌شنبه کونی ۸صبح کونده‌لیگی گه ایتیشلریچه، بو واقعه دره غوربند شیخ‌علی تومنی حدودلری «دهن کوتک» قیشلاغیده یوز بیرگن.
منبعلر گه کوره، بو کیشی باشقه ایکّی شخص آره‌سیده‌گی فزیکی تارتیشوو گه چېک اوچون واسطه‌چیلیک قیلیشی طفیلی هلاک بولگن.
آتی غلام‌رضا بولگن بو کیشی «باشی گه یاغاچ تیگیشی» باعث اۉلگن.
غلام‌رضا دن کیچیک تورت فرزند قالگن.
طالبان بوتوغریده حاضرگچه فکر-ملاحظه بیلدیرمه‌گن.
سۉنگی کون‌لرده مملکت نینگ تورلی بورچکلری اینیقسه پروان ده جنایی واقعه‌لر کوپه‌یگن.
بیر هفته آلدین مذکور ولایت نینگ بگرام تومنیده علیحده ایکّی واقعه ده اوچ کیشی هلاک بولگن اېدیلر.
