پاپ فرانسیس هرات زلزله‌سیدن جبر کۉرگنلرگه یاردم ایسته‌دی
۸صبح، کابل: دنیا کاتولیکلری رهبری پاپ فرانسیس افغانستان غربیده زلزله‌دن زیان کۉرگنلرگه یاردم یېتکزیب بېریلیشینی سۉره‌دی.
۱۹- میزان، چهارشنبه کیچه‌سی ایکس اجتماعی صحیفه‌سیگه «برچه اېزگو توشینه‌دیگنلر» هرات اۉلیمی زلزله‌نی باشدن کېچیرگنلرگه کمک قیلیشلرینی سۉره‌ب یازدی.
پاپ فرانسیس نینگ یازیشیچه: «مین برچه اېزگو توشینه‌دېگنلرنی ویرانگر زلزله‌دن کېین رنجده بۉلگن افغانستان خلقیگه یاردم بېریشگه چقیره‌من. ایناغه‌چیلیک روحیه‌سی بیلن آدملرنینگ المی کمه‌ییشی و قیته قوریش اوچون لازم مشارکت قیلیب انسانی بورچیمیزنی بجره‌یلیک.»
عین حالده بیرلشگن ملتلر تشکیلاتی نینگ انسان پرور یاردملرینی هماهنگ قیلووچی دفتر اۉتگن کونلرده هرات ولایتیده کېمته کېت یوز بېرگن یېر قیمیرلشده چمه‌سی ۱۷ مینگ کیشی زیان کۉرگنلر دېگن.
اوچانینگ بیلدیریشچه، هرات یېر قیمیرلشلریده توپلم ۴۴۴ قیشلاق زیان کۉرگن.
عین حالده، بیرلشگن ملتلر تشکیلاتی باش کاتبی نینگ سۉزلاوچیسی استفان دوجاریک هرات زلزله‌سیدن جبر کۉرگنلرگه یاردملر یېتکزیلیشی کېچیکتیرلیگنی حقیده اشاره قیلیب ایتیشیچه، اوشبو تشکیلات انسان پرورلیک کمکلرنی یېتکزیش اوچون مالی قیینچیلیککه روپه ره دیر.
