«عیاللر نینگ حضوری»؛ طالبان سرپل ده بیر دم‌آلیش ایشیگینی اهالی یوزی گه یاپدی
۸صبح، سرپل: سرپل ده‌گی محلی منبعلر اوشبو ولایتده طالبان تامانیدن بیر دم‌آلیش مکان ایشیگی اهالی یوزی گه یاپیلگنیدن خبر بیره‌دیلر.
محلی منبعلر نینگ ۸صبح کونده‌لیگی گه ایتیشلریچه، طالبان امر معروف و نهی منکر ریاستی ۳۱ حمل، جمعه کونی عصر پیتی، سرپل مرکزی توغنی قیشلاغیده «چرخ‌وفلک سیاحتی امام خرد» دم‌آلیش مکان ایشیگینی یاپگن.
طالبان بو دم‌آلیش مکان ایشیگی یاپیلیش سببینی «منکرات» جمله دن نماز وقتی رعایت بولمسلیگی و اوشبو گروه نینگ فکری گه قره‌گنده حجاب‌سیز عیاللر نینگ حضوری اته‌گنلر.
مذکور دم‌آلیش مکان ینگی‌لیکده بیر سوداگر نینگ تشبثی و شخصی پولی بیلن بیر میلیون دالر عوضی گه قوریلگن.
سرپل ده طالبان امر معروف و نهی منکر ریاستی، خادملری نینگ سیاحت بیلن قیینچیلیگی یوق، بیراق «سیاحتچیلر منکرات دن پرهیز قیلیب و اسلام قدریت‌لری گه حرمت قیلیشی» کېره‌ک دیگن.
طالبان بوندن آلدین مملکت نینگ تورلی ولایت‌لری جمله دن کابل و بلخ ده دم‌آلیش مکان‌لرده اېریم چېکلاولرنی یره‌تگنلر.
طالبان حجاب‌سیز عیاللر نینگ حضورینی بهانه قیلیب و دم‌آلیش مکان‌لر نینگ ایشیگینی یاپماقده‌لر.
