ارغوانی شنبه‌لر حرکتی: روسیه طالبان دن حمایت قیلیش بهاسینی توله‌گن
۸صبح، کابل: روسیه پایتختی مسکو یقینیده کنسرت سالونیده داعش نینگ قانلی هجومی که قریب ۳۰۰ کیشی نینگ اۉلیب و یره‌لنیشیگه سبب بولدی، ایکّی کون اۉتگچ، ارغوانی شنبه‌لر حرکتی گه کوره، روسیه «طالبان دن حمایت قیلیش بهاسینی توله‌گن.»
بو حرکت ۵ حمل، یک‌شنبه کونی بیر بیانیه ده «بنیادگرایی‌لیک» کېنگه‌یشی بیلن طالبان حاکمیتیده افغانستان منطقه و دنیا اوچون کتّه باش آغریققه اېلنیشیدن آگاه‌لنتیرگن.
اوشبو بیانیه ده کېلیشیچه: «اۉتگن اوچ ییلده بو گروه بیلن تعامل قیلیش آغیر تمام بولیشی اوچون نیچه مرته آگاه‌لنتیردیک افسوس بیلن جدی آلینمه‌دی و حاضر تورلی مملکتلرده تینچ اهالی گه قرشی ترورچیلیک قانلی هجوم‌لر گواهی‌میز.»
بو حرکت طالبان‌نی افغانستان و منطقه اوچون قۉشمه تهدید دیب و منطقه مملکتلرده صلح نی کفالت قیلیش یگانه یول قۉشمه مبارزه قیلیش دیگن.
اعتراضی مذکور حرکت مذهبی، دم‌آلیش مکان‌لر، سودا مرکزلری، کنسرت‌لر، بویوک ییغیلیش‌لرده هجوم اۉیوشتیریلیشی و اهالی اۉلدیریلیشینی بشریت گه ضد و «ترورچیلیک» اته‌گن.
ارغوانی شنبه‌لر حرکتی گه کوره، طالبان «مسکو شهریده اۉیوشتیریلگن قانلی هجوم کبی» سۉنگی ۲۰ ییلده حتا رمضان آی ده افغانستان خلقینی قتل‌عام قیلگن.
بیانیده کېلیشیچه: «طالبان شرمنده‌لیک معامله بیلن افغانستان خلقی نینگ تقدیری گه حاکم بولدیلر و مملکت‌نی القاعده، داعش، پاکستان‌لیک طالبلر تحریکی کبی ترورچی گروه‌لر نینگ تینچ اویه‌سیگه اېلنتیرگنلر. دنیا اېنیقسه منطقه مملکتلر و روسیه تعامل آتیده بو واقعیت‌لر گه دایر بی فرق دیر.»
ارغوانی شنبه‌لر حرکتی نینگ ایشانچی گه کوره، بو تعامل افغانستانده طالبان حاکمیت گه دوام بیریشی گه سبب بولگن.
منطقه مملکتلر اېنیقسه روسیه طالبان بیلن تعاملینی قیته قوریب چیقمه‌گن حالده، چین هم روسیه کبی «ترورچیلیک هجوم» گواهی بولیشی ممکن.
اوشبو بیانیه ده روسیه دن قیسقه مدتلی منفعتی اوچون ملی خوفسیزلیگینی خطر بیلن دوچ قیلمسلیگی سۉره‌لگن.
شونینگدیک ارغوانی شنبه‌لر حرکتی ېنه بیر بار افغانستانده طالبان رژیمی بدیلی قۉللب-قوتلنیشینی اېسته‌گن.
عین‌حالده ۴حمل، شنبه کونی افغانستان ملی مقاومت جببهه‌سی داعش نینگ روسیه گه قانلی هجومی گه مناسبت بیلدیریب «افراطیتچیلیک و تروریسم» ریجه‌لی و سیستماتیک طرزده اۉرته آسیا و روسیه تامان انتقال تاپماقده‌لیگینی اېتگن اېدی.
