رواداری: طالبان حکمرانلیگی نینگ بیرینچی ییلیده قریب اوچ مینگ کیشی نشانلی هجوملر عاقبتیده هلاک بۉلدی و جراحتلندی
۸صبح، کابل: انسان حقلری بیلن شغللنووچی رواداری تشکیلاتی طالبان حکمرانلیگی نینگ بیرینچی ییلیده نشانلی هجوملر و پورتلشلر عاقبتیده، ایکی مینگ و ۹۳۲ شخص هلاک بۉلگنی یاکه جراحتلنگنی حقیده معلوم قیلدی.
تشکیلات، ۱۱- دلو، شنبه کونی، افغانستاندهگی انسان حقلری حالتینی ۲۰۲۱-ییل ۱۵ -اگستدن ۲۰۲۲-ییل ۱۵-اگستگچه بۉلگن دورده تحلیل قیلگن.
گزارش‌گه کۉره، نشانلی هجوملر نتیجه‌سیده اولگی حکومتگه منسوب ۲۱۰ نفر خادم، جمله‌دن قاضی لر، ثارنوال لر و فقرالیک جمعیتی فعاللری اۉلدیریلگن.
معلوماتلرده ایریم شخصلر نینگ جسدلری حبسگه آلینگنیدن سۉنگ دریالرگه تشلنگنی، باشقه‌لری اېسه درختلرگه آسیب قۉییلگنی قید اېتیلگن.
گزارشده ایتیلیشیچه، طالبان مذکور دور مابینیده ۹۱۶ نفر شخصنی اۉزباشیمچه‌لیک بیلن و ناقانونی طرزده حبسگه آلگن بۉلیب، اولر آره‌سیده سابق حربیلر، ژورنالیستلر و فقرالیک فعاللری هم بار.
اوشبو دورده کمیده ۱۷ عیال اۉلدیریلگن، تۉقّیز عیال بې‌درَک یۉقالگن و ینه ۷۳ عیال حبسگه آلینگن.
شونینگدېک، گزارشده قومی و دینی آزچیلیکلر نینگ حقوقلری کېسکین روشده بوزیلگنی، دایکندی ولایتیدن ۸۰۰ دن آرتیق عایله مجبوری کۉچیریلگنی تأکیدلنگن.
رواداری تشکیلاتی ۲۰۲۱ – ۲۰۲۲-ییللر آره‌لیغیده قضایی تیزیمی بوتونله‌ی ایزدن چیققنی، ایکی مینگدن آرتیق محکمه لوازمیدن چېتله‌تیلیب، اولر نینگ اۉرنیگه طالبانگه علاقه‌دار شخصلر تعیینلنگنینی اورغولگن.
بو حالت طالبان حکمرانلیگی نینگ تۉرت ییلی دوامیده انسان حقوقلری تشکیلاتلری تامانیدن ینه‌ده کېنگ کۉلملی حقوق بوزرلیکلر یوز بېره‌یاتگنی حقیده آگاهلنتیریشلر ینگره‌ب کېله‌یاتگن بیر پیتده قید اېتیلماقده.
