امریکا و پاکستان نماینده‌لری افغان مهاجر و قاچقینلری موضوعینی محاکمه قیله‌دیلر
۸صبح، کابل: امریکا تشقی ایشلر وزیرلیگی نینگ قاچقینلر بۉییچه دستیاری جولیتا والس نویس اسلام آبادده افغانستان اوچون پاکستان خاص نماینده‌سی آصف‌علی درانی و بیرلشگن ملتلر تشکیلاتی نینگ قاچیقینلر کمیسارلیگی نماینده‌سی بیلن ایری – ایری اوچره‌شگنینی بیلدیردی.
نویس ۱۴-قوس سه‌شنبه کونی ایکس اجتماعی ترماغیده آصف درانی بیلن اۉتکزگن اوچره‌شووده افغان قاچقینلری نینگ حمایت و اولرنینگ جایله‌شیب آلیش مساله‌لری بۉییچه بحث قیلگنینی یازگن.
امریکا تشقی ایشلر وزیرلیگی نینگ دستیار پاکستان‌ده بیرلشگن ملتلر تشکیلاتی عالی کمیسارلیگی نینگ نماینده‌سی بیلن اوچره‌شگنی حقیده خبر بېرگن.
او، اوچره شووده بیرلشگن ملتلر تشکیلاتی عالی کمیسارلیگی نینگ بو تشکیلات افغانستانلیک مهاجرلرنی حمایت قیلگنی اوچون منتدارچیلیک قیلدی.
عین حالده، افغانستان اوچون پاکستان خاص نماینده‌سی آصف‌علی درانی جولیتا والس نویس بیلن افغانستانلیک مهاجرلرنینگ وضعیتی حقیده بحث قیلگنینی ایتگن.
اونینگ ایتیشیچه، اوچره شوو امریکا قۉشمه ایالتلری نینگ اسلام آبادده‌گی اېلچییسی حضوریده بۉلیب اۉتگن.
بوندن آلدین پاکستان عاموی اخبارات واسطه‌لری افغانستانلیک مهاجرلر پاکستان‌دن چیقاریلیشی بحبوحه‌سیده، بو هفته امریکا تشقی ایشلر وزیرلیگی نینگ اوچ بلند مرتبه‌لی رسمیسی مهاجرلر و پاکستان و طالبان وضعیتی باره‌سیده بحث قیلیش اوچون اسلام آبادگه سفر قیله‌دی دېگن اېدی.
