پاکستان «افغانستان فقرالیک کارتی» بولگنلر نی چیقره‌دی
۸صبح، کابل: پاکستان ایچکی ایشلر وزیرلیگی اوشبو مملکتدن افغان قاچقین‌لری نینگ چیقریش ایکّینچی باسقیچی باشلنگنیدن خبر بیرگن.
پاکستان نیوز انترنشنال گزارشی اساسیده، بو مملکت ایچکی ایشلر وزیری ۲۷ حوت، یک‌شنبه کونی پنجاب ایالتی رسمی‌لری نینگ آنلاین ییغیلیشیده، افغان قاچقین‌لری نینگ چیقریش ایکّینچی باسقیچینی ۱۵ اپریل دن باشلش بویروغینی بیرگن.
بو گزارش اساسیده، اوشبو باسقیچ ده «افغانستان فقرالیک کارتی» (ای‌سی‌سی) بولگنلر چیقریلیشی ممکن.
مذکور گزارش ده کېلیشیچه، پاکستان دولتی اوشبو کارتی بولگنلر رویخطینی پولیس و باشقه قانونی مجری تشکیلات‌لری بیلن شریک قیلینیشی اوچون پنجاب ایالتی رسمی‌لری گه تاپشیره‌دی.
اوشبو باسقیچ‌ده فقرالیک کارتی بولگنلر دن اختیاری افغانستان گه قیتیش‌لری سۉره‌لگن، عکس‌حالده قولگه آلینیب و چیقریله‌دیلر.
منبعلر گه کوره، چیت ایللیک فقرالر نینگ چیقریش ایکّینچی باسقیچی یکونیدن سۉنگ، پی‌اوآر (اقامت اثباتی» کارتی بولگنلرنی هم چیقریشی ممکن.
عین‌حالده، پاکستان حکومتی اۉتگن ییل نوامبر آی ده اوشبو مملکتدن حجت‌سیز قاچقین‌لر نینگ چیقریش جریانینی باشله‌دی و او زماندن حاضرگچه افغانستان‌لیک ۵۰۰ مینگ دن آٰتیق مهاجرنی چیقرگن.
