تخار یشاوچیلری: تالقان-ماورای کوکچه قتناو یولی قیته قوریلیشی کېرهک
تخار مرکزی تالقان شهری و ماورای کوکچه تومنلری نینگ قتناو یوللری اوشبو ولایت نینگ گوجوم یوللریدن سنلهدی. بو قتناو یول ۱۴۰ کیلومتر اوزونلیگی بیلن خواجهبهاءالدین، رستاق، چاهآب، دشتقلعه، ینگیقلعه و درقد که مذکور ولایت نینگ چېگره تومنلریدن سنلهدی، تخار مرکزی تالقان شهری بیلن باغلهیدی.
جمهوریت توزومیده سابق دولت کوچلری و طالبان جنگریلری آرهسیدهگی اوروشلر باعث بو یول نینگ قوریلیشی و اسفالت قیلینیشی اوچون هېچ دقت قیلینمهگن.
اوشبو یوللر یشاوچیلری نینگ ایشانچی گه کوره، سابق حکومت توزومیده نیچه مراتبه بو سرک نینگ قیته قوریش و اسفالت قیلیش اوچون دادخواهیلیک قیلیشگن اېدیلر، نتیجه ده سابق حکومت نینگ سۉنگی کونلریده ماورای کوکچه سرکی نینگ قوریش بودجهسی ۵۵ میلیارد ۸۵۰ میلیون ۳۸ افغانی عوضی گه مالیه وزیرلیگی تامانیدن تصدیقلنیب و ایشی باشلندی.
ماورای کوکچه یشاوچیلری نینگ ایتیشلریچه، افغانستانده طالبان حاکم بولیشی بیلن، اۉتگن اوچ ییلده بو سرک نینگ قوریش ایشی توختهگن. اولر تالقان-ماورای کوکچه قتناو یولی نینگ بوزوقلیگیدن نالیب قچانگچه دقتسیزلیک و عدالتسیزلیکلرنی تحمل قیلیشلرینی اېتهدیلر.
تخار ولایتی دشت قلعه تومنی یشاوچیسی و اوشبو یول قتناوچیلریدن حامد ۸صبح کوندهلیگی گه ایتیشیچه، ۲۰ ییل اعتبارسیزلیکدن سۉنگ سابق حکومت قولشیدن بیر ییل اول، ماورای کوکچه قتناو یولی نینگ قیته قوریش ایشی باشلنگن اېدی؛ بیراق طالبان اوشبو یول نینگ قوریلیشی گه توسیق بولگن اېدیلر.
دشت قلعه تومنی اوشبو یشاوچیسی گه کوره: «ماورای کوکچه سرکی اسفالت بولگن حالده بو تومنلر اهالسی نینگ اقتصادی و ترانسپورتی قیینچیلیگی حل اېتیلهدی. افسوس بیلن طالبان حاکمیتیدن کېین سرک نینگ ایشی توختهگن و حاضرگچه اونینگ ایشی باشلنیشیدن هېچ خبر یوق.»
حامد مذکور سرک نینگ بوزوقلیگی و یولاوچی تاشووچی موترلر نینگ اجارهسی یوقاریلیگیدن نالیب ایتیشیچه، بو یول نینگ بوزوقلیگی اینیقسه قیش و کوکلم موسوملریده یشاوچیلر تورلی خیل قیینچیلیک بیلن دوچ بولهدیلر.
خواجهغار تومنی یشاوچیسی و اوشبو یول قتناوچیلریدن بلال ۸صبح کوندهلیگی بیلن اۉتکزگن صحبتیده ایتیشیچه، طالبان مسوولری و قوماندانلریدن بیر قنچهسی ماورای کوکچه تومنلریدن دیر و سابق حکومت کوچلری بیلن مستقیم اوروش ده دخیل اېدیلر. اونگه کوره، طالبان عملدارلری جمهوریت قولشیدن سۉنگ بو یول نینگ قیته قوریش وعدهسینی بیرگندیلر، بیراق حاکمیتلریدن اوچ ییل اۉتگچ حاضرگچه وعدهلری گه عمل قیلمهگن.
خواجهعار تومنی اوشبو یشاوچیسی نینگ کوپهیتیریشیچه، هر ییلی بیر قنچه بیمارلری تخار ولایتی کسلخانهسی گه یېتیب بارمسدن یوللر بوزوقلیگی طفیلی وفات اېتهدیلر. اونگه کوره: «حاضرگی کونده طالبان چاهآب و دشت قلعه تومنلری نینگ آلتین کانلریدن هر ییلی میلیونلب افغانی درآمد قیلهدی، بیراق ماورای کوکچه تومنلری قتناو یوللری نینگ قیته قوریش اوچون هېچ دقت قیلمهیدیلر.»
تخار ده طالبان محلی مسوولری تالقان-ماورای کوکچه قتناو یولی نینگ اسفالت قیلیش ایشی توختهلگنینی تصدیقلب ایتیشلریچه، مذکور یول نینگ قیته قوریش ایشی قیته باشلنیشی اوچون سعی-حرکت قیلماقدهلر. محل یشاوچیلری نینگ قیینچلیکلری مرکزی رسمیلر بیلن شریک قیلینگنینی اېتهدیلر، تخار ده طالبان محلی مسووللری.
تخار ده طالبان فواید عامه باشلیغی امیرخان حذیفه گه کوره، ماورای کوچه سرکی نینگ اسفالت قیلیش سۉنگی بیتیمی ۴ میلیارد افغانی عوضی گه خصوصی بیر شرکت بیلن امضالنگن اېدی و طالبان قدرت نی آلیشی بیلن شرطنامه باغلهگن شرکت تخارنی ترک قیلگن و سرک ایشی چله قالگن.
طالبان اوشبو محلی رسمیسی نینگ ایتیشیچه، ماورای کوکچه سرکی قیینچیلیگینی اۉتگن ییل مرکز بیلن شریک قیلگنلر و اوشبو ییلده اونینگ قیته قوریش ایشی باشلنیشی کوتیلهدی.
عینحالده طالبان افغانستانده حاکم بولیش بیلن، ماورای کوکچه قتناو یولی نینگ قیته قوریش ایشینی توختهتیش گه قوشیمچه باشقه اونلب کیچیک و کتّه لایحهلر تخار ده ورسج-پنجشیر قتناو یولی نینگ اسفالت قیلیش ایشی شامل توختهگن و اولر نینگ ایشی قچان باشلنیشی همان نامعلوم.