ریچارد بنت هراتده شیعه‌لر ییغینیگه قیلینگن قوراللی هجوم بۉییچه مستقل تېرگاو اۉتکزیلیشینی طلب قیلدی
۸صبح، کابل: بیرلشگن ملتلر تشکیلاتی‌نینگ افغانستان انسان حقلری بۉییچه مخصوص حساباتچیسی ریچارد بنت، هرات ولایتی‌نینگ انجیل اولسواللیگیده شیعه‌لر ییغینیگه قیلینگن قوراللی هجوم یوزه‌سیدن مستقل تېکشیروو و تېرگاو اۉتکزیلیشینی طلب قیلگن.
بنت شنبه کونی، ۲۲- حمل، ایکس صحیفه‌سیده یازیشیچه، کېچه انجیل تومنیده صادر بۉلگن و نتیجه‌ده بیر نېچه تینچ اهالی اۉلیب، یره‌لنگن اوشبو هلاکتلی هجوم تشویشلی بۉلیب، قاره‌لنیشی لازم.
او تأکیدله‌شیچه بو حادثه نه‌فقط قاره‌لنیشی، بلکه مستقل طرزده تېکشیریلیشی و اونینگ عیبدارلری هم عدالت آلدیگه تارتیلیشی کېره‌ک.
اوشبو بیاناتلر کېچه نامعلوم قوراللنگن شخصلر هرات ولایتی‌نینگ انجیل تومنیده ده میری حدودیگه دَم آلیش اوچون کېلگن بیر گروه تینچ اهالینی اۉققه توتگنی پیتده ینگره‌ماقده.
هلاک بۉلگنلر سانی بۉییچه انیق معلومات بېریلمه‌گن، بیراق هرات ولایتیده‌گی طالبان محلی رسمیلری اوشبو حادثه‌ده ۱۱ کیشی جان بېرگنینی ایتگن.
