کوپ آواز و بیرینچی اورینده فرانسه مهاجرلر پارلمانی گه یول تاپگن سیاره رحمانی بیلن مخصوص صحبت
ایسلتمه: سیاره رحمانی اېندی فرانسه مهاجرلر پارلمانیده سیلنگن وکیل حسابلنهدی. او سیلاوده بیرگن وعدهلریگه تیهنیب پارلماننینگ بیرینچی باسقیچیده مهاجر عیاللر و آنهلرنینگ قیینچیلیکلرینی حل قیلیش، فرانسه تیلینی تیز و ساده اورگهتیش بوییچه دستورلر تکلیف اېتیش، مهاجرلر گه مخصوص روحی یاردم کورسهتیش، ایش فرصتلرینی آشیریش و افغانستان اۉزبیک تیلینی فرانسهنینگ مهاجرتی خذمتلریده رسمی شکلده کېریتیشنی کوزهتیش یونهلیشیده ایش آلیب بارهدی. فرانسه یقینده مهاجر قبول قیلیش قانونینی مرکبلشتیرگن بیرحالده، خانم رحمانی بو مملکت مهاجرلر پارلمانی گه یول تاپدی. اوشبو ینگی قانون گه کوره، دولت ناقانونی مهاجرلرنی نظارت قیلیب و مهاجرلرنینگ اجتماعی حقلرینی چېکلشگه سعی-حرکت قیلهدی.
اوشبو صحبتده، اوندن مهاجرلر پارلمانی ییغیلیشلرینینگ اهمیتی و او ییرده بیان بولهدیگن مسالهلر حقیده سورهلگن. مهاجرلر پارلمانی، فرانسهده مهاجرلرنینگ آوازینی اېشتیریش مقصدیده شکللنگن اجتماعی و مصلحت بیرووچی بیر نهاد دیر.
۸صبح: مهاجرلرنینگ تیلینی A2 درجهسیگچه آشیریش اوچون انیق ریجهنگیز نیمه؟
رحمانی: مهاجرلرنینگ ضرورتی گه قرهب تیل اورگهتیشنی آسانلشتیریش بو مساله گه یاردم بیرهدی. مهاجرلر تیزلیک بیلن ایشنی باشلشلری کېرهک. شونینگ اوچون تیل اورگهتیش دستورلرینی معین بیر ایش ساحهسی اطرافیده تشکیل اېتیش جوده فایدهلی بولیشی ممکن. مین ابجد گلوبل تشکیلاتینینگ رهبریت اعضاسی صفتیده بو موضوعنی فعالیتلریمیزده عملی قیلگنمیز و قیسقه مدتلی تیل کورسلرینینگ قنچه ثمرهلی اېکنیگه گواه میز. بوندن تشقری بکلوریا یا که لیسانس سندی بولگن مهاجرلر فرانسه بیلیم یورتلریده یول تاپیشلری ممکن.
۸صبح: مهاجرلرنینگ روحی سلامتلیگینی مستحکملش اوچون قندهی دستورلرنی تکلیف قیلماقچیسیز؟
رحمانی: بیر مهاجر اوچون بیرینچی تشویش روحی سلامتلیک اېمس شونی اوچون آخرگی مراجعت قیلهدیگن آدرس بیر روانشناس دیر، بیراق بیز اوچون جوده هم مهم دیر مهاجرلرنینگ روحی سلامتلیگینی یادلش مقصدیده ثمرهلی دستورلرنی نظرگه آلسهی و مهاجرلر قیله آلسه اۉزلریگه ایشانیب و مهاجرتدن کېینگی مسالهلر اوستیده ایشلسهلر. مهاجرلر گه روحی خذمت کورسهتیش ترجمان حضوری بیلن بولسه تا سۉزلر گه دقت قیلینسه. شونینگدیک مهاجر آنهلر روحی قۉللب-قوتلنیشلری کېرهک اولر گه دقت قیلینسه یا که هېچ بولمهگنده کون جریانیده بارهدیگن جایلر آدرسی بیریلسه.
۸صبح: مهاجرلرنینگ ایش بازاری و مهارتی اوقوو کورسلری بیلن باغلش بوییچه، قندهی ریجهنگیز بار؟
رحمانی: اولا مهاجرنینگ کېلگن مملکتدهگی تجربهلری و کسبی کونیکمهلری انابت گه آلینیشی کېرهک. انهشوو اساسده اولرنی ینگی جمعیتده ایشگه جلب قیلیش ممکن. تیل اورگهتیش هم عینن شو ساحه و کسب گه عاید فرانسه اتمهلری اساسیده تشکیل قیلینسه، بو جریان انچه ثمرهلی بولهدی.
۸صبح: مهاجرلرنی رسمی ایش بیلن تأمینلش یولیده قندهی توسیقلر بار و سیزنینگ بو معمالرنی حل اېتیش بوییچه قندهی ییچیملرینگیز بار؟
رحمانی: مهاجر و باشپنه ایزلاوچی ایکی خیل اتمه دیر، مهاجر بو هلی مهاجرت ادارهسی تامانیدن قبولی آلمهگن کیشی دیر. باشپنه ایزلاوچینینگ ایشلش گه حقی یوق و اولر تیل کورسلریده قتنشه آلمهیدی، بیراق پارلمانده اوشبو مساله اوستیده ایشلهیمیز- مهاجرلر فرانسه گه کېریش بیلن ایشلهی آلسینلر و تیل اورگهنیش کورسلرینی اوقی آلسینلر.
۸صبح: سیز اۉزبېک تیلینی فرانسه مهاجرتی و دولت خذمتلریده رسمیلشتیریش اوچون قندهی ریجهلرنی تکلیف قیلهسیز؟
رحمانی: فرانسهده اۉزبېک مهاجرلر کوپینچه مشکللر بیلن دوچ دیر، چونکه اولر فارس تیلینی تولیق توشینمهیدیلر و اگر اۉزبېک ترجمانی سورهلسه، یاردم اوچون اۉزبېکستانلیک بیر ترجمان حاضر بولهدی که بعضی سوزلری روسچه دیر. مین افغانستان اۉزبېک تیلینی فرانسه مهاجرتی سیستمیگه کیریتیش گه سعی-حرکت قیلهیپمن. بو ایش اوچون بیرینچیدن نیچه کیشینی بو توغریده تربیهلب و کېین اېسه دولت گه تکلیف بیریشیمیز ممکن.
۸صبح:هم دولت کنترولینی سقلب و هم مهاجرلرنینگ ترقیاتی و اجتماعی مشارکتی اوچون، قۉللب-قوتلش دستورلرینی مهاجرت ینگی قانونلری بیلن قندهی ماسلشتیرهسیز؟
رحمانی:فرانسه کوچلی اجتماعی توزیلمه گه ایگه بیر مملکت دیر؛ گرچی قانونی شرایط مرکب بولسهده، بیراق اجتماعی نهادلر هردایم محتاجلرنی قۉللب-قوتلب کېلگن. شونی اوچون ینگی قانون خذمت کورسهتیشنی بیر آز قیین قیلیشی ممکن، لېکن بو قانونلر هېچ قچان مهاجرلرنی قۉللب-قوتلش و اولر گه یاردم کورسهتیش گه مانع بوله آلمهیدی.
