طالبانی شایسته‌سالارلیک؛ باغبان بامیان معارف باشلیغی بۉلدی
بامیان ولایتی معارف ریاستی خادملری طالبان تامانیدن تعیینلنگن ینگی باشلیغ نینگ اوشبو اداره‌‌ده‌گی اۉزباشیمچه‌لیکلریدن قتّیق شکایت قیلماقده‌لر. اولرنینگ طالبان اوشبو محلی مقامیگه اساسلب ایتیشلریچه، او بوندن آلدین باغبان و طالبان جنگریلریدن بۉلگن دېدیلر. اوشبو خادملرنینگ ادعا قیلیب ایتیشیچه، طالبان نینگ بو محلی مقامی دوستلری نینگ تاکیدی اساسیده بو ریاست نینگ باشلیغی اېتیب تعیینلگن. بامیان معارف ریاستی نینگ ایشلاوچیلری طالبان نینگ ینگیدن تعیینلگن باشلیغی، مکتوبلرده اۉزی نینگ «قۉل قۉییش» جایینی تاپه آلمه‌یدی و اورین باسری نینگ اېسه امضاسی بیر مکتوبدن باشقه بیر مکتوبگه بوتونله‌ی فرق قیله‌دی دیب تیلگه آله‌دیلر.
بامیان ولایتی معارف ریاستی بیر قطار خادملری نینگ ایتیشیچه، اوشبو بۉلیمگه طالبان آرقلی باشلیغ اېتیب تعیینلنگن رحمت‌الله قندیلی غزنوی باغبان و گروه نینگ جنگریلریدن بۉلگن. بو خادملرگه کۉره، قندیلی غزنوی ریاست باشلیغی صفتیده تنیشتیریش چاغیده اۉزی نینگ باغبان اېکنلیگینی و دۉستلری نینگ طلبی بیلن بامیان ولایتی معارف باشلیغینی قبول قیلگنینی ایتگن.
بامیان معارف ریاستی بۉلیمی خادملری نینگ قۉشیمچه قیلیشیچه، طالبان نینگ اوشبو ولایتده‌گی معارف بۉییچه باشلیغی اېتیب تعیینلنگن پشتون ملتیگه منسوب و غزنی ولایتی نینگ گیلان تومنیده توغیلگن. اولر، طالبان معارف وزیرلیگی نینگ عملده‌گی سرپرستی نینگ دۉستلری و قرینداشلریدن بیری اېکنلیگینی و فارس تیلینی بیلمسلیگینی دعوا قیلماقده. بامیان معارف خادملری نینگ سۉزلریگه کۉره، بو محلی طالبان عملداری اوچ آیدن کۉپراق وقت دوامیده رییس اېتیب تعیینلنگن و اولرگه «سلیقه‌ای‌غیرمنطقی» مناسبتده بۉلیب کېلگنبۉلگن. آخرگی حالتده، او اوشبو بۉلیم نینگ برچه خادملریگه اۉزیگه یقین بۉلگن اداری اورین باسردن چیقیش اوچون رخصت آلیشنی بویورگن. بو ایشلاوچلر ایریملری نینگ ادعا قیلیشیچه، اداری بنادن تشقریده جایلشگن حاجتخانه (شتناب) گه کېتگونچه هم حتی طالبان نینگ بو محلی مقامیدن رخصت آلیشلریگه تۉغری کرله‌دی.
شونینگدیک خادملر ریاست اۉرین باسریدن «پرزه» آلگندن سۉنگ تشنابگه کېته‌دیلر، پرزه آلمه‌گن حالده، معارف ریاستی بناسی قرشیسیده تورگن قوراللی آدملر کیمسه‌نی تشقری چیقیشگه اجازه بیرمه‌یدی. طالبان نینگ بامیانده‌گی معارف ریاستی بۉلیمیگه تعیینلنگن باشلیغی بونی ایش سکته‌گی نینگ آلدینی آلیش و ایشلرنی عملگه آشیریشنی موافقلشتیریش اوچون دېب اته‌گن پیتده بو شکایتلر اوجیگه چیقدی.
بامیان معارف ریاستی خادملریدن بیری شونده‌ی دېیدی: «برچه خادملر اۉز ایشلرینی بجریشده معمالرگه دوچ کېلیشماقده. باشلیغ فارس تیلینی عموماً بیلمه‌یدی. اگر رییسگه یقین بولگن اداری اۉرین باسر بۉلمه‌سه، برچه ایشلر کېچیکتیریله‌دی. پشتو تیلینی بیله‌دیگن خادملر، قندیلی‌گه نیمه توشونتیرسه‌لر هم، قبول قیلمه‌یدی. او اداری ایشی نیمه اېکنلیگینی توشونمه‌یدی. اگر خطنی امضاگه آله‌دیگن بۉلسک، او امضا اۉرنینی تاپه آلمه‌یدی. اونینگ مکتوبلری و ایش ترتیب-قاعده‌لرینی توشونیش اوچون سوادخوانلیگی یېترلی اېمس. بو خادملر نینگ تاکیدلشیچه، سۉنگی اوچ آی ایچیده او هزاره خادملرنینگ اوچینچی و تۉرتینچی بستلردن ایشدن بۉشه‌تیب، بعضیلرینی بېشینچی و آلتینچی بستلرگه، ایریملرینی اېسه اۉقیتووچی قیلیب تعیینله‌گن. خادملرنینگ دعوالریگه کۉره، طالبان نینگ محلی عملداری بو بۉلیمده‌گی بعضی هزاره خادملرینی ایشدن بۉشه‌تگن. بامیان معارف ریاستیده‌گی منبع نینگ دعوا قیلیشیچه، قندیلی غزنوی اۉزی نینگ قرینداشلریدن بیری احمد زاهد اسملی شخصنی مالیوی و مأموری اېتیب تعیینله‌گن.
اولرنینگ سۉزلریگه کۉره، زاهد اۉز خدمت وظیفه‌سیدن فایده‌لنگن حالده هر ساعتده خادملرنی سۉراق قیله‌دی. منبع نینگ قۉشیمچه قیلیشیچه، اولر معمانی طالبان نینگ معارف ریاستی باشلیغی بیلن محاکمه قیلگن و اونینگ اۉرین‌باسری اۉزینی ریاست قانونلری و قاعده‌لریگه ضد توته‌‌یاتگنینی ایتگن، بیراق بو شکایت ینگی چېکلاولر قۉییلیشیگه سبب بۉلگن. منبعگه کۉره، حاضرده خادملر کۉچه‌گه چیقسه یاکه حاجتخانه (تشناب) گه کیرسه، طالبان نینگ معارف ریاستی اۉرین‌باسریدن «پرزه» آلیشگه مجبور، عکس حالده اونینگ تن ساقچیلری تامانیدن جسماناً هجومگه اوچره‌یدی.
بامیان معارف ریاستی ایشلاووچیلریدن بیر بامیک (مستعار) قندیلی غزنوی و اونینگ یقین آدملری سلیقه‌ای یانده‌شوولری «قلدرلیک» قیلیشیدن شکایت قیله‌دی. اونینگ ایتیشیچه: «قندیلی معارف ریاستی نینگ باشلیغی اېتیب تعیینلنگندن برری، بیر قچه هزار ایشلاوچیلر اینیقسه نظارت بۉلمیده‌گیلرنی بوتونله‌ی وظیفه‌سیدن چیتله‌تیب باشقه اوچینچی و تۉرتینچی بستلر‌ده‌گی مدیرلرنی منفک یا ده مامور بستلری و اجیرلیککه المشتیرگن.» شونینگدېک اونینگ ادعا قیلیشیچه: «بوندن اېینگ یامانی شوکه، شونده‌ی بیر قانونلرنی جاری ایته‌دیلرکه حتی برچه ایشلاوچلرنینگ انسانی شخصیتی سوال آستیده قاله‌دی. بو ریاست ایشلاوچلری بیلن حتی بیر انسان اوله‌راق یانده‌شیلمه‌یدی. هر کون ینگی چېکلاولر یره تیل دی. تیناوون برچه ایشلاوچیلرگه دفتردن تشقری چیقه دېگنده نامه آلیشلری کیره‌ک و اگر بیرار جایگه کېماقچی بۉلسه‌لر ریاست نینگ مالی و اداری اۉرین باسریگه تفصیلات بیریشلری کیره‌کلیگی ایتیلگن»
شونینگدېک بامیک نینگ ادعا قیلیشیچه، بامیان ولایتیده طالبان معارف ریاستی نینگ مالی و اداری اۉرین باسری اۉقیش و یازیش سوادی هم یۉق هر بار امضاسی اۉزگره‌دی و همه جایگه بیر قسم امضا قیله آلمه‌یدی دیدی. اونینگ سۉزلریه کۉره، بو وضعیت نینگ دوام اېتیشی اداره‌نی برچه حجتلری قبول قیلینمه دیگن حالتگه کېلیب قاله‌دی.
بامیان معارف ریاستی نینگ بو خادملری بونده‌ی غیر اصولی و غیر مسلکی یانده‌شیشلر بیلن ایشلاوچلرنینگ سوانح‌سی هم بوزیلیشی ممکن دیر. اونینگ ادعا قیلیشیچه، ایریم خادملر بیر آی ایچیده ایکّی مرته ینگی وظیفه‌لرگه تعیینلگنلر.
