طالبان هراتده بیر مدنیت فعالینی حبسگه آلدی
۸صبح، کابل: منبعلر معلوم قیلیشیچه، طالبان هرات ولایتیده اۉزبېک مدنیت فعالی همده تورکیه همکارلیک و موافقلشتیریش ادارهسی (تی̇کا) خادمینی حبسگه آلگن.
منبعلر، ۸- دلو، چهارشنبه کونی، ۸صبح گزېتهسیگه ایتیشیچه، طالبان محمدمیر رسا اسملی شخصنی حبسگه آلیب، کابلگه جۉنهتگن.
منبعلر نینگ ایتیشیچه، طالبان جنگچیلری اونی اوریش-تورتیش بیلن هم تهدید قیلگن.
منبعلر تأکیدلشیچه، محمدمیر حاضرده طالبان ایچکی ایشلر وزیرلیگیده سقلنماقده.
اوشبو شخص نینگ حبسگه آلینیش سببی حاضرچه معلوم قیلینمگن.
طالبان هم بو بارهده هېچ قندهی بیانات بېرمگن.
بو حالت ایکی کون آلدین پراون ولایتیده، ۱۹ یاشلی بیر ییگیت طالبان تامانیدن حبسگه آلینگهچ، قتل قیلینگنینی بیلدیرگن منبعلر بیلن بیر وقتده یوز بېرماقده.
