طالبان: سمنگان‌ده ۳،۷ میلیون جریب‌دن آرتیق ییلاو میدانی رۉیخطگه آلیندی
۸صبح، کابل: طالبان‌نینگ یېرلرنی باسیب آلیش‌نینگ آلدینی آلیش کمیسیونی، سمنگان ولایتیده ۳ بوتون ۷۰۸ میلیون جریب‌دن آرتیق ییلاو میدانینی رۉیخطگه آلگنینی اعلان قیلدی.
طالبان عدلیه وزیرلیگی یک‌شنبه کونی، ۲۸ سرطان، اوشبو ییلاولر سمنگان ولایتی مرکزی همده ولایت‌نینگ ینه سکّیز اولسواللیگیده رۉیخطگه آلینگنینی معلوم قیلدی.
اوشبو وزیرلیک بیاناتیگه کۉره، مذکور ییلاولر سمنگان مرکزی همده ایبک، حضرت‌سلطان، خرم‌وسارباغ، فیروزنخچیر، روی دوآب، دره‌‌صوف بالا، دره‌‌صوف پایین و تاشقرغان اولسواللیکلریده جایلشگن.
وزیرلیک‌نینگ اَیتیشیچه، اوشبو یېرلر‌نینگ ۳ میلیون ۳۳۰ مینگ جریب‌دن آرتیغی همان ییلاو بۉلیب قالگن، ۳۷۸ مینگ ۵۳۸ جریب‌دن آرتیق رۉیخطگه آلینگن یېرلر اېسه اهالی تامانیدن اېکین میدانلری، تورر جایلر و جماعت انشااتلریگه ایلنتیریلگن.
بو طالبان حاکمیتگه قَیتگنیدن سۉنگ مملکت‌نینگ تورلی ولایتلریده دولت یېرلری، ییلاولر و اۉتلاقلرنی رۉیخطگه آلیش همده انیقلش جریانینی باشله‌گن بیر پیتده یوز بېرماقده.
مذکور جریان اَیریم حدودلرده محلی اهالی و یېر اېگه‌لری تامانیدن تنقید قیلینماقده.
