طالبان نینگ انکار اېتیشی و دنیا ده کوچه‌یب باره‌یاتگن هجوملر؛ داعش نینگ اصلی پایگاه‌سی قیېرده؟
گزارش‌لر اساسیده، افغانستان طالبان حاکمیتیده ترورچی گروه‌لر نینگ تینچ اویه‌سی گه اۉزگرگن. امریکا صلح انستیتوتی خراسان داعش نینگ «اصلی پایگاه‌سی» افغانستانده دیب ادعا قیلگن. اوشبو نهاد بیلرمان‌لری نینگ ایتیشلریچه، خراسان داعش بولیمی مسکو گه هجوم قیلیش بیلن دنیا نینگ هر بیر بورچه‌گیده هجوم قیلیش توانی بارلیگینی کورستگن. شو بیلن بیرگه امریکا نینگ مرکزی اردوسی سابق قوماندانی داعش کېله‌سی آلتی آی‌گچه امریکا و غرب نینگ منفعت‌لری گه هجوم اۉیوشتیریشیدن آگاه‌لنتیرگن. بو خواطرلر عین‌حالده ینگره‌ماقده خراسان داعش بولیمی روسیه ده اۉیوشتیریلگن قانلی هجوم که ۱۴۳ کیشی نینگ اۉلیمی گه سبب بولدی، تن آلگن. طالبان افغانستانده داعش تهدیدلری گه دایر خواطرلرنی بو گروه رژیمی گه قرشی غرب نینگ ریکلامی عنوان قیلگنلر. ینگی‌لیکده اوشبو گروه باش وزیری نینگ اداری اۉرین باسری کابل ده خارجی دیپلمات‌لر بیلن اۉچره‌شووی ده، افغانستانده داعش آتیده هېچ بیر گروه یوق‌لیگینی ادعا قیلگن. بوندن آلدین طالبان گه عاید یېتکرمه‌لر خراسان داعش بولیمی نینگ پایگاه‌سی پاکستان نینگ بلوچستان ایالتیده‌لیگینی ادعا قیلگنلر.
روسیه پایتختی مسکو یقینیده کنسرت تالاریده خراسان داعش بولیمی نینگ قانلی هجومی و شونینگدیک مذکور گروه نینگ قندهار ولایتیده‌گی هجومیدن کیېن، دنیا ده داعش نینگ تهدیدلری کوچه‌یشی گه دایر خواطرلر اوج آلگن. افغانستانده طالبان قدرت نی آلیشی بیلن بو گروه نینگ مخالف‌لریدن بیرقطاری افغانستان دنیاده عصیانچی گروه‌لر نینگ تینچ اویه‌سی اۉزگرگنینی ادعا قیلگنلر. اولر، طالبان القاعده و باشقه عصیانچی گروه‌لر دن کېنگ کولمده میزبان‌لیک قیلماقده‌لیگینی اېتگنلر.
ینگی‌لیکده، امریکا صلح انستیتوتی خراسان داعش بولیمی نینگ اصلی پایگاه‌سی طالبان حاکمیتیده افغانستانده‌لیگینی ادعا قیلگن. اوشبو انستیتوت نینگ ییریک ایش بیلرمانی اسفندیار میر، داعش مسکو گه هجوم قیلیش بیلن دنیا نینگ هر بیر بورچه‌گیده هجوم اۉیوشتیریش توانی بارلیگینی کورستگنینی بیلدیرگن.
اسفندیار جنابلری نینگ کوپه‌یتیریشیچه: «خراسان داعش، بو گروه نینگ افغانستان بولیمی اۉرته شرق ده دیر بیرینچی بار ۲۰۱۵ییل ده ظهور قیلدی و او زماندن بېری منطقه ده فعال بولیب و او ییرده اوروشگن.» داعش خراسان بولیمی کوچلی بولیب و منطقه مملکتلر گه هجوم اۉیوشتیریشدن سۉنگ، حاضر اروپا نینگ اېریم بولیملری گه هم ېیتگن.
عین‌حالده، امریکا مرکزی قوماندان‌لیگی نینگ سابق باشلیغی جنرال کنت فرانک مکنزی، خراسان داعش بولیمی امریکا قۉشمه ایالتلری نینگ نشانگه آلماقچی‌لیگیدن آگاه‌لنتیرگن. مکنزی نینگ کوپه‌یتیریشچیه، داعش امریکا قۉشمه ایالتلری گه هجوم قیلیش نیتیده دیر و بایدن دولتی بو گروه نینگ تهدیدلرینی جدی آلیشی کېره‌ک. امریکا اردوسی نینگ سابق اوشبو رسمی‌سی روسیه پایتختی مسکو یقینیده داعش نینگ سۉنگی هجومی که ۱۴۳ کیشی نینگ اۉلیمی گه ضامن بولدی اشاره قیلیب ایتیشیچه: «بیز امریکا قۉشمه ایالتلری و شریک‌لریمیز گه بو کبی تلاش‌لر بولیشینی کوتیشیمیز کېره‌ک.» اونگه کوره، داعش اۉز هجوملرینی ریجهلشتیریش اوچون آنلاین اسلوب‌لردن قوللنماقده بو کېله‌جکده دنیا خوفسیزلیگی اوچون تهدید دیر. مکنزی جنابلری افغانستانده داعش حضوریدن خواطر بیلدیریب کوپه‌یتیریشیچه: «امریکا نینگ ۲۵۰۰ کوچی ناتو نینگ باشقه اعضالری بیلن افغانستانده قالسه اېدی، داعش گه قرش کوره‌شیب و حاضر گه نسبتن امنیت‌ده بولیشی‌میز ممکن اېدی.»
باشقه تاماندن، امریکا اردوسی نینگ متقاعد بیر قوماندانی مارک کوانتوک اوشبو مملکت نینگ مدافعه وزیرلیگی اطلاعاتی عملیاتینی نظارت قیلر اېدی، یواس‌ای‌تودی گه ایتیشیچه، امریکا قۉشمه ایالتلری «خراسان داعش بولیمی نینگ بیر غایه‌سی» دیر. امریکالیک ایش بیلرمان‌لر هم خراسان داعش بولیمی جسور بولیب و منطقه دن تشقری باشقه غایه‌لرنی اېزله‌یاتگنیدن آگاه‌لنتیرگنلر. اولر گه کوره، داعش امریکا قۉشمه ایالتلری و مکسیکو چېگره‌سیده‌گی ترتیب‌سیزلیک دن بویوک هجوم اۉیوشتیریش اوچون فایده‌لنیشی ممکن.
خراسان داعش بولیمی نینگ هجوملری گه دایر خواطرلر دوام اېتر اېکن، فایننشال تایمیز افغانستان نینگ سنتی‌لیگی طفیلی بو مملکت عصیانچی گروه‌لر نینگ اویه‌سیگه اېلنیشی بوتونلی پیش‌بینلیک بولگن اېدی دیب گزارش بیرگن. مذکور کونده‌لیک تاریخ قیته تکرار بولماقده دیه تاکیدله‌گن. اوشبو کونده‌لیکّه کوره، القاعده و داعش شامل جهانی عصیانچی گروه‌لر نینگ قدیمی اویه‌سی، افغانستانده اوشبو گروه‌لر نینگ ینگی اویه‌سی گه اۉزگرگن.
امریکا سابق رسمی‌لری طالبان حاکمیتیده افغانستان نی خراسان داعش بولیمی نینگ اصلی پایگاه‌سی اوله‌راق عین‌حالده اته‌ماقده که طالبان گه عاید بیر یېتکرمه پاکستان بلوچستان ایالتی بو گروه نینگ مهم مرکزلریدن بیری دیه ادعا قیلگن.
طالبان گه عاید یېتکرمه المرصاد، قندهار ده داعش نینگ بیر جنگریسی هجومیدن سۉنگ او ایکّی آی آلدین پاکستان بلوچستان ایالتیده خراسان داعش بولیمی گه قوشیلیب و اوییره عقیدتی تعلیم کورگنینی ادعا قیلگن. بو یېتکرمه اۉز منبعلری گه تیه‌نیب حاضر پاکستان بلوچستان ایالتی خراسان داعش بولیمی نینگ مهم مرکزلریدن بیری گه اېلنگنینی ادعا قیلگن.
طالبان افغانستانده داعش حضورینی رد قیلگن. بو گروه سۉزلاوچیلری سۉنگی ییللرده افغانستانده داعش حصورینی رد قیلیب و اۉزلری نینگ بو گروه گه قرشی کوره‌ش‌لرینی بیلدیرگنلر. طالبان اېریم بیانات‌لر بیلن افغانستانده بو گروه گه قرشی کوره‌شیب و یوق اېتگنلرینی ادعا قیلگنلر. ینگی‌لیکده طالبان باش وزیری نینگ اداری اۉرین باسری عبدالسلام حنفی کابل ده خارجی دیپلمات‌لر بیلن اۉچره‌شووی ده افغانستانده داعش آتیده هېچ گروه یوق‌لیگینی ادعا قیلگن، عین‌حالده اوشبو گروه تهدیدلریدن قورقیب هردایم تینچ اهالی نینگ یشش اوی‌لرینی اۉز باشیمچه طرزده تینتوو قیلیب و اونلب کیشینی داعش گه همکارلیک قیلیش عیبی بیلن زندانی قیلگنلر.
افغانستانده داعش تهدیدلریدن عین‌حالده خواطر بیلدیریلماقده روسیه تروریزم قربانی اوله‌راق که یشاوچیلری نینگ قانی همان قوریمه‌گن طالبان آتینی ترورچی گروه‌لر رویخطیدن چیقریشینی بیلدیرگن.
روسیه تاس آژانسی اوشبو مملکت نینگ تشقی ایشلر، عدلیه وزیرلیکلری و باشقه باغلیق اداره‌لر طالبان آتینی ترورچی گروه‌لر رویخطیدن چیقریشنی تېکشیرماقده و بوتوغریده‌گی نهایی قرار اوشبو مملکت سیاسی عالی رهبریتی تامانیدن آلینیشینی معلوم قیلگن.
طالبان روسیه نینگ بو حرکتینی خوش قرشی له‌گن. مذکور گروه سۉزلاوچیسی ذبیح‌الله مجاهد، طالبان نینگ آتی روسیه ترورچی گروه‌لر تشکیلاتی رویخطیدن چیقریلیشینی «یخشی آدیم و واقع‌بینانه» دیگن. اونینگ ایشانچی گه کوره، بو گروه بیر حرکت بولیب و افغانستان خلقیدن نماینده‌لیک قیله‌دی.
عین‌حالده، یشاوچیلر و سیاسی فعاللردن بیرقطاری، تروریسم دن اوسکونه اوله‌راق قوللنیش اوچون منطقه ده تروریسم مسابقه‌سی یولگه قویلمسلیگی کېره دېدیلر. اولر گه کوره، طالبان گروهی ترورچی بیر تشکیلات دیر و بو گروه نینگ داعش بیلن کوره‌ش روایتی موفقیت‌سیزلیکّه اۉچره‌گن و حاضر خوفسیزلیکلرینی تأمینلش اوچون تلاش قیلماقده‌لر. اولر نینگ ایتیشلریچه، داعش هجوملری کوچه‌یشی طالبان نینگ داعش نی یوق قیلیش گه دایر روایت‌لرینی موفقیت‌سیزلیکّه اۉچره‌تگن. اولر گه کوره، طالبان داعش تهدیدلریدن قورققن و حاضر اۉز خوفسیزلیکلرینی تأمینلش اوچون سعی‌وحرکت قیلماقده‌لر.
