طالبان امنیه قوماندانلیگی مطبوعات کاتبی: فرخنده ۱۷ یاشلی ینگی کېلین، مییه سکته‌سی طفیلی وفات اېتدی
۸صبح، کابل: طالبان امنیه قوماندنلیگی نینگ مطبوعات کاتبی، خالد زدران، ۱۷ یاشلی ینگی کېلین، فرخنده نینگ دوسیه‌سیده، حاضرگچه هېچ قنده‌ی شبهه‌لی بېلگی تاپیلمه‌گنینی معلوم قیلدی.
زدران، ۲۶ عقرب- دوشنبه کونی، فرخنده عایله‌سیگه ته‌یه‌نیب ایتیشیچه، او مییه سکته‌سی سبب وفات اېتگن.
او قۉشیمچه قیلیشیچه: «دستلبکی تېرگاولر عملگه آشیریلدی و حاضرگچه هېچ قنده‌ی شبهه‌لی حالت انیقلنمه‌دی؛ مرحوم نینگ عایله‌سی هم هېچ کیمگه شبهه قیلمه‌گن یاکه شکایت قیلمه‌گن.»
بو آره‌ده، محلی منبعلر آلدینراق فرخنده، تخمیناً بیر یریم آی آلدین محلی تأثیرلی شخص نینگ اۉغلی بیلن تورموش قورگن، کابلده شبهه‌لی شرایطده اۉلدیریلگنی حقیده معلومات بېرگن اېدی.
طالبان امینیه قۉماندنلیگی مطبوعات کاتبی تېرگاولر اوشبو ایش بۉییچه دوام اېته‌یاتگنینی تأکیدله‌دی.
