طالبان معارف وزیرلیگی: اۉقووچیلرنی کلتکلش بویروقدن باش تارتیش دیر
۸صبح، کابل: طالبان کنترولی آستیده‌گی افغانستان‌ده اۉغیل باله‌لر مکتبی نینگ وضعیتی یامانلیگی خصوصیده انسان حقوقلری تشکیلاتی نینگ گزارش نشر قیلیشی آرتیدن، بو گروه نینگ معارف وزیرلیگی اوشبو گزارشنی رد قیلدی.
مذکور وزیرلیک ۱۶- قوس پنج‌شنبه کونی کېچ بیر بیانیه نشر قیلیب ایتیشیچه، «بیرلشگن ملتلر تشکیلاتی نینگ انسان حقوقلری بۉلیمی نینگ» اۉغیل باله‌لر مکتبلریده اۉقووچیلر تنبیه ایتیلیشی خصوصیده‌گی گزارشگه موافق اېمسلر.
شونینگدېک معارف وزیرلیگی اۉقووچیلرنی کلتکلب اولرنی اوروش اسلام باقیمیدن هم قرشی بیر عمل دیر و بونده‌ی عمل صادر بۉلمسلیگی تۉغریسیده ولایتلرنینگ معارف ریاستلریگه بویروق بېریلگن دېب تاکید قیلگن.
وزیرلیک نینگ ایتیشیچه، مملکت بۉیلب مکتبلر همده تعلیمی مرکزلرده کلتکلنگی کوزه تیلگن حالده و وزیرلیک نینگ بویروغیندن باش تارتگن حالده سوراققه تارتیله‌دی.
عین حالده معارف وزیرلیگی، بو وزیرلیک نینگ رهبریتی همده یۉلداش هیاتی مملکت نینگ تورلی ولایتلریگه قیلگن سفرلری اۉغیل باله‌لر مکتبلریده اۉقیش نینگ رواجله‌نیشیگه سبب بۉلگن دېدیلر.
وزیرلیک مملکت بۉیلب طالبان اداره‌سی آستیده‌گی تعلیمی مرکزلر اینیقسه دینی مدرسه‌لرده اۉقووچیلری قتّیق کلتکله‌نیشیگه عاید گزارشلر بار-بار نشر بۉلگن بیر پیتده، انسان حقوقلری بۉییچه تشکیلات نینگ بو تۉغریده‌گی گزارشینی رد قیلگن.
ایتیش کېره‌ک که انسان حقوقلری تشکیلاتی بوندن ایکّی کون آلدین اۉزی نینگ نشر قیلگن گزارشیده مملکت بۉیلب اۉغیل باله‌لر مکتبلریده اۉقووچیلر بدنی تنبیه بۉلیشی حقیده گزارش نشر قیلگن اېدی.
