طالبان نینگ ترمپ بیاناتیگه مناسبتی: دوحه کېلیشوویده صادق قالینگ
۸صبح، کابل: امریکا جمهور رییسی، دونالد ترمپ نینگ بگرا‌م هوا قۉنالغه‌سی تاپشیریش حقیده‌گی بیاناتیدن سۉنگ، طالبان اوندن دوحه کېلیشووی‌گه صادق قالیشنی سۉردی.
طالبان سۉزچیسی، ذبیح الله مجاهد، ۳۰- سنبله، یک‌شنبه کونی، ترقه‌تگن بیاناتیده ایتیشیچه، امریکا بیلن بۉلیب اۉتگن تورلی مذاکره‌لرده بو گروه، افغانستان حدودی بوتونلیگی تاپشیریشگه تیار اېمسلیگی انیق کۉرسه‌تیلگن.
طالبان گه کوره، دوحه کېلیشوویده امریکا وعده بېرگن اېدی، افغانستان حدودی بوتونلیگی و سیاسی مستقللیگیگه قرشی کوچ و تهدیددن فایده‌لنمه‌یدی همده اونینگ ایچکی ایشلریگه اره‌لشمه‌یدی .
طالبان، امریکا اۉتمیشده عملگه آشیریلگن موفقیت‌سیز تجربه‌لرنی تکرارلمسلیککه چقیردی.
بوندن اول، طالبان حربی کوچلری باش قوماندانی، فصیح الدین فطرت هم بو گروه بگرا‌م هوا قۉنالغه‌سی اوستیدن کېلیشووگه تیار اېمسلیگینی بیلدیرگن اېدی.
امریکا جمهور رییسی، ترمپ، اگر طالبان بگرا‌م هوا قۉنالغه‌سی تاپشیرمسه، اولر اوچون یامان عاقبتلر بۉله‌دی دیب، آگاه‌لنتیرگن ایدی.
او شونینگدېک، بگرام‌نی امکان قدر تېزراق اۉز اختیاریگه آلیشنی ایسته‌گن.
