هرات خوفسیزلیک اۉن بیرینچی دور ییغینی دوشنبه‌ده باشلندی
۸صبح، کابل: «هرات خوفسیزلیک» اۉن بیرینچی دوری تاجیکستان‌ده باشلندی
افغانستان استراتژیک مطالعات مرکزی تامانیدن اویوشتیریلگن ییغین بوگون اېرته‌لب ۶- قوس دوشنبه کونی تاجیکستان پایتختی دوشنبه شهریده باشلندی.
«افغانستاننی قَیته اۉرگنیش؛ تورلی خیل اېچیملر» عنوانی آستیده اویوشتیریلگن هرات خوفسیزلیک اۉن بیرینچی دور ییغینی ایکّی کون دوام اېتیشی کوتیله‌دی.
اوشبو ییغینده، ایریم مملکتلردن شخصیتلر، طالبلر مخالفلری جمله‌دن افغانستان ملی مقاومت جبهه‌سی رهبری احمد مسعود، جهاد رهبری اسماعیل‌خان و سابق حکومت نینگ بیر قطار بلند مرتبه‌لی رسمیلری قتنه‌شیشی کوتیله‌دی.
ییغین نینگ بیرینچی بۉلیمیده، سابق حکومت ملی خوفسیزلیک رییسی رحمت‌الله نبیل، پاکستان پارلمان عضوی همده پشتونلرنی حمایت اېتیش حرکت رهبری محسن داور، بیرلشگن ملتلر تشکیلاتی خوفسیزلیک کېنگشی محققی داکتر استر زبیری و امریکا استراتژیک مطالعات مرکزی محققی دیوید سدنی‌لر نطق سۉزله‌ششی مول‌جللنگن.
۲۰۱۲- ییل باشلنگن هرات خوفسیزلیک ییغینی افغانستان‌نینگ سیاسی و خوفسیزلیک مساله‌لریگه عاید موضوعلری یېریک سیاستچی همده تحیلیلچیلر آرقلی محاکمه قیلینیب و اۉز پیشنهادلرینی تقدیم قیله‌دیلر.
طالبان قدرتگه اېریشگندن سۉنگ، بو ییغین «جانلی» یا – ده باشقه مملکتلرده بۉلیب اۉتگن.
هرات خوفسیزلیک ییغینی نینگ اۉنینچی دوری اۉتگن ییل هم تاجیسکان پایتختی دوشنبه‌ده اۉتکزیلگن اېدی واشتراکچیلر افغاستان‌ده موقت دولت تشکیل اېتیلیشی باره‌سیده تاکیدله‌گن اېدیلر.
