طالبان تامانیدن اوقوو ینگی ییل باشلنیشی؛ قیزلر هلی هم مکتب‌دن محروم
۸صبح، کابل: مملکت بویلب آلتینچی صنف دن یوقاری میلیون‌لب قیز نینگ تقدیری هلی هم نامعلوم اېکن، طالبان معارف وزیرلیگی اوقوو ینگی ییل باشلنیشیدن خبر بیردی.
بو وزیرلیک ۱ حمل، چهارشنبه کونی مملکتده اوقوو ینگی ییل باشلنیشیدن خبر بیرگن.
مذکور نهاد نینگ بیانیه‌سیده یشاوچیلردن باله‌لرینی مدرسه‌لر، مکتب‌لر و باشقه تعلیمی مرکزلر ده شامل قیلیش‌لری طلب قیلینگن.
طالبان معارف وزیرلیگی بیانیه‌لریده قیز اوقووچیلر دن هېچ یاد قیلمه‌گن.
اوشبو بیانیه ده، اوقووچیلر و اوقیتووچیلر «صورت و سیرت»لرینی اسلام قاعده‌لری گه تېنگ قیلیب و «غیر اسلامی» کییم-کیچیک کییشدن واز کیچیش‌لری تاکیدلنگن.
عین‌حالده، مکتب اوقووچیلریدن بیری اسما نینگ ۸صبح کونده‌لیگی گه ایتیشیچه، اوقوو ینگی ییلده مکتب‌لر ایشیگی آچیلیشنی کوتماقده اېدی بیراق طالبان معارف وزیرلیگی بوتوغریده فکر-ملاحظه بیلدیرمه‌گنی اوچون «نهایت تاثیر.»لنگن.
اونینگ کوپه‌یتیریشیچه، دینی مدرسه‌لر مکتب اۉرنینی آلالمه‌یدی و قیزلر نینگ تعلیمی گه یره‌تیلگن چېکلاو مملکت نینگ کیله‌جگی گه ضرر یېتکیزه‌دی.
عین‌حالده طالبان مملکتده قدرت نی آلیشی بیلن آلتینچی صنف دن یوقاری قیزلرنی مکتب باریشدن محروم قیلدی، اولر نینگ بو حرکتی ایچکی و خلق‌ارا تنقیدلر گه دوچ بولگن.
اۉتگن کون سابق حکومت رسمی‌لری و مملکت یشاوچیلریدن بیرقطاری طالبان‌دن، قیزلر گه مکتب‌لر ایشیگی آچیلیشینی سۉره‌گنلر.
