بدخشانده طالبان و محل یشاوچیلری نینگ ییلاو اوستیگه توقنشووی؛ ۱۵ کیشی یره‌لندی
۸صبح، بدخشان: بدخشانده‌گی محلی منبعلر اوشبو ولایت نینگ ارگو تومنیده طالبان و بیر قیشلاق اهالیسی توقنشگنلریدن خبر بیره‌دیلر.
منبعلر نینگ ایتیشلریچه، ۱ ثور، شنبه کونی توشدن سۉنگ طالبان و ارگو تومنی نوآباد قیشلاغی اهالیسی ییلاو اوستیگه جنجل قیلگنلر که نتیجه ده طالبان نینگ اوق آتیشی عاقبتیده تورت چوپان شامل ۱۵ کیشی یره‌لنگن.
طالبان نوآباد و اسپین‌گل یشاوچیلری نینگ دعواسی بولگن ییلاونی اسپین‌گل قیشلاغی یشاوچیلری گه تاپشیریشنی اېسته‌گن، بیراق نوآباد قیشلاغی یشاوچیلری نینگ قرشی‌لیگی بیلن دوچ بولگن.
منبعلر گه کوره، محل یشاوچیلری طالبان نینگ قرارینی قبول قیلمه‌گندن کېین، طالبان جنگری‌لری بو گروه نینگ اولسوالی ملا ظفرالدین و استخبارات مدیری شمس‌الحق فدایی نینگ بویروغی بیلن اعتراضچیلرنی اوققه توتگنلر.
بدخشانده طالبان محلی مسووللری بوتوغریده حاضرگچه فکر-ملاحظه بیلدیرمه‌گن.
عین‌حالده، قریب ۱۰ کون آلدین ییلاو اوستیگه ارگو تومنی یشاوچیلری و اسپین‌گل قیشلاغی اهالیسی اۉرته‌سیده جنجل طفیلی قریب ۳۰ کیشی یره‌لنگن اېدیلر.
