کابل شمالی‌ده نرخ-نوالر یوقاری‌لیگی؛ دکان‌دارلر رمضان آی ده قیمت ساته‌دی
پروان و کاپیسا ولایت‌لری نینگ یشاوچیلریدن بیرقطاری، رمضان آی ده ییگولیک ماده‌لر نرخی یوقاری‌لیگیدن خواطر بیلدیرماقده‌لر. اولر نینگ ایتیشلریچه، دکان‌دارلر «قیمت ساتیب و احتکار» قیله‌دیلر. کابل شمالی ولایت‌لری یشاوچیلری گه کوره، طالبان تامانیدن بازار ده نرخ-نوالر کنترول بولمسلیگی اوچون دکان‌دارلر اۉز باشیمچه‌لیک طرزده قیمت ساته‌دی. اولر نینگ کوپه‌یتیریشیچه، ییگولیک ماده‌لر نرخی ده ۱۰۰ دن ۲۰۰ افغانی اۉزگریش کېلگن. اولر بازار نظارت اېتیلیشینی اېسته‌یدیلر. عین‌حالده، اقتصادی ایش بیلرمان‌لردن بیرقطاری مملکت بازارلریده نرخ-نوالر یوقارلیگینی ییگولیک ماده‌لر آز عرضه اېتیلیشی و طلب کوپ‌لیگی عنوان قیلیشه‌دی. بو عین‌حالده خلق‌ارا آزیق-آوقت دستوری افغانستانده انسان پرورلیک یاردم‌لر اوچون محتاج‌لر کوپه‌یشیدن آگاه‌لنتیرگن. مذکور تشکیلات گه کوره، افغانستانده اقتصادی قیینچیلیک و انسانی انقراض، ییگولیک ماده‌لر گه طلب کوپه‌یشی گه سبب بولگن.
شو بیلن بیرگه، رمضان آی اېتیب کېلیشی بیلن مملکت بازارلری اېنیقسه کابل شمالیده‌گی ولایتلرده ییگولیک ماده‌لر نرخی آشگن. پروان یشاوچیلریدن بیرقطاری نینگ ایتیشلریچه، ییگولیک ماده‌لرنی ساتیب آلیش گه توان‌لری بولمسه ده، بیراق سوداگرلر و دکان‌دارلر باشقه مملکتلر گه نسبتن نرخ-نوالرنی آشیرگن.
چاریکار شهری یشاوچیسی دادالله، انچه ییل‌دن بېری «کراچی‌وان‌لیک» قیله‌دی. اونینگ هر کونی ۱۰۰ دن ۲۰۰ افغانی درآمدی بار ایتیشیچه، نرخ-نوالر یوقاری‌لیگی اوچون ییگولیک ماده‌لرنی ساتیب آلیش گه کوچی اېتمه‌یدی. پروان ولایتی اوشبو یشاوچیسی ۸صبح کونده‌لیگی بیلن اۉتکزگن صحبتیده ایتیشیچه: «رمضان بیرینچی کون‌لری و اوندن اول قیمت یخشی اېدی، بیراق حاضر برچه ماده‌لر قیمتی اۉزگرگن. افغانستان آتی اسلامی مملکت دیر، لېکن اصلی‌ده بو مملکتده ظلم دوام اېتماقده.»
پایتخت شمالی ولایت‌لری نینگ یشاوچیلری گه کوره، رمضان آی ده اون نرخی‌ده ۱۵۰ افغانی، برنج ده ۲۰۰ افغانی و سوت و قتیق شامل لبنیات نرخی‌ده ۲۰ دن ۴۰ افغانی‌گچه اۉزگریش کېلگن.
کاپیسا ولایتی حصه دوم کوهستان تومنی یشاوچیسی فرزاد فروتن، ۸صبح کونده‌لیگی گه ایتیشیچه: «اوچ کوندن بېری هر کونی ییگولیک ماده‌لر نرخی اۉزگرماقده. مثال اوچون بیر بوجی اون و برنج ده دکان‌دارلر نینگ ایتیشیگه قره‌گنده بیر دالر دن تورت امریکالیک دالر فرق کېلگن. ۱۴ لیترلیک بیر بوشکه یاغ بیر مینگ ۴۰۰ افغانی اېدی، بیراق حاضر ۱۵۵۵۰ افغانی گه اېتگن.»
یشاوچیلر، دکان‌دارلرنی «قیمت ساتیش و احتکار» گه عیبلب ایتیشلریچه، طالبان تامانیدن نظارت و نرخ‌نامه بیریلمسلیگی اوچون، دکان‌دارلر اۉز باشیمچه‌لیک شکلده سودا قیله‌دیلر.
پروان ولایتی جبل‌السراج تومنی یشاوچیسی نصرالله، ۸صبح کونده‌لیگی بیلن اۉتکزگن صحبتیده ایتیشیچه: «مملکتی‌میزده قانون یوق. هر کیم اۉز باشیمچه‌لیک شکلده ایش قیله‌دی. قانون و حکومت بولگنده بازارده نمایشی نرخ‌نامه‌لر و قیمت نظارت بوله‌دی، دکان‌دارلر هر ییلی قیمت سودا قیلیب و احتکار قیلیشه‌دی.» اونینگ کوپه‌یتیریشیچه: «طالبان بازارلرنی نظارت قیله آلمه‌یدی. توان‌لری بولگنده هم اوغری‌لر بیلن قوللری بار. دکان‌دارلر یا که سوداگرلر بیر نیچه افغانی بلدیه وکیللری گه بیره‌دی، دنیا گل و گلزار بوله‌دی. البته برچه دکان‌دارلر بونده‌ی اېمس؛ بو ایشنی کوپراق بویوک سوداگرلر قیله‌دی و کیچیک دکان‌دارلر نرخ‌نی آشیریش گه مجبور دیر.»
عین‌حالده، اقتصادی ایش بیلرمان‌لردن بیرقطاری مملکت بازارلریده نرخ-نوالر آشیش سببینی عرضه کم و طلب کوپ‌لیگی عنوان قیله‌دیلر. اقتصادی ایش بیلرمان مجیب عثمانی ۸صبح کونده‌لیگی گه ایتیشیچه: «افغانستان ییگولیک ماده‌لرنی کوپراق قۉشنی مملکتلردن وارد قیله‌دی، بو مملکتلر نینگ بیر قنچه‌سی مسلمان مملکت دیر و رمضان آی ده طلب آشه‌دی. مملکتلر نینگ افغانستان گه وارداتی آزه‌یب و طلب اېسه آشگن.»
بو عین‌حالده خلق‌ارا آزیق-آوقت دستوری افغانستانده ییگولیک ماده‌لر گه محتاج‌لر سانی آشگنیدن آگاه‌لنتیرگن. بو نهاد ۲۷ حوت، یک‌شنبه کونی بیر بیانیه ترقه‌تیب ایتیشیچه، افغانستانده اقتصادی قیینچیلیک و انسانی انقراض، ییگولیک ماده‌لر گه طلب‌نی آشیرگن. مذکور نهاد نینگ ایتیشیچه، جمعیت کوپه‌یشی و یریم میلیون دن آرتیق قاچقین افغانستان گه قیتیشی، انسانی انقراض کوچه‌یشی گه سبب بولگن.
خلق‌ارا آزیق-آوقت دستوری ینگی گزارشی‌ده، افغانستانده اقتصادی معما انسانی بحران کوچه‌یشی گه سبب بولگنینی بیلدیرگن. بیرلشگن ملتلر تشکیلاتی نینگ اوشبو اداره‌سی گه کوره، ۲۰۲۱ییل آگست آی ده سیاسی اۉزگریش‌دن سۉنگ، تورم ۱۸ فایز آشگن، بیراق میلادی ۲۰۲۲ ییل دن سۉنگ کمه‌یگن.
خلق‌ارا آزیق-آوقت دستوری، تورم کمه‌یشینی اقتصادی ضعیف فعالیت عنوان قیلیب و اهالی نینگ ساتیب آلیش کوچینی کمه‌یتیرگن.
ایتیش کېره‌ک که هر ییلی رمضان آی اېتیب کېلیشی بیلن، مملکت بازارلریده نرخ-نوالر آشه‌دی. انده-سنده طالبان بلدیه‌لری ییگولیک ماده‌لر اوچون نرخ‌نامه تعیین قیلسه‌ده، بیراق بو نرخ‌نامه‌لر جوده هم آز عملی بوله‌دی.
