کابل دریاسی سۉنگّی یامغیرلر سببلی سوودن تۉلگن
۸ صبح، کابل: کابل دریاسی سۉنگّی بیر نېچه کونلیک یامغیرلر سببلی سوودن تۉلگن.
کابل اهالیسی شنبه کونی، ۱۵- حمل، کابل دریاسی‌نینگ تۉلگنینی خبر قیلیشدی.
شو بیلن بیرگه، اجتماعی ترماقلر فایده‌لنووچیلری کابل دریاسی‌نینگ صور‌تلرینی ترقه‌تیب، بیر نېچه ییللردن سۉنگ بو دریانینگ تۉلگنینی کۉریب تورگنلیکلرینی یازیشدی.
کابول سۉنگّی اوچ کون دوامیده کوچلی یامغیرلرنی باشدن کېچیردی.
بیراق، سۉنگّی یامغیرلر شهرده‌گی یۉللرنینگ سوو باسیشیگه سبب بۉلگن و ولایت اهالیسی اوچون قیینچیلیکلر توغدیردی.
