طالبلر ترانسپورت و هوا یۉللر وزیری اۉزبېکستان سفر قیلدی
۸صبح، کابل: طالبان ترانسپورت و هوا یۉللر وزیرلیگی سرپرستی حمیدالله آخندزاده بیر هیات باشچیلیگیده اۉزبېکستان سفر قیلدی.
طالبان ترانسپورت و هوا یۉللری وزیرلیگی۵- جدی سه‌شنبه کونی بو سفردن اساسی آماج حمل و نقل علاقه‌لرینی کېنگیتیریش و اۉزبېکستان هوا یۉللر مسووللری بیلن بحث قیلیش دېگن.
بو وزیرلیک نینگ معلوم قیلیشچه، اوشبو هیات اۉزبېکستان ترانسپورت وزیری و بو مملکت ترانسپورت و هوا یۉللر وزیرلیگی مسووللری بیلن اوچره‌شیب تېگیشلی موضولرنی محاکمه قیله‌دیلر.
طالبلر افغانستانده قیته‌دم حاکمیتگه کېلگچ اۉزبېکستان بیلن یقین مناسبتده بۉلیب کېلگن.
بوندن آلدین اۉزبېکستان عاموی اخبارات واسطه‌لری بو مملکت حکومتی همده طالبلر اۉرته‌سیده بیر میلیارد و ۲۰۰ میلیون امریکالیک دالر بهاسیده تجارتی شرطنامه‌لر امضالنگنیدن خبر بېرگن اېدی.
اوشبو کېلیشوولرگه اۉزبېکستان باش وزیری اۉزین باسری همده سرمایه یاتقیزیش وتشقی تجارت وزیری جمشید خواجه‌یوف باشچیلیگیده بوندن نېچه وقت آلدین افغانستان‌گه سفر قیلگن هیات ارا کابل‌ده قۉل قۉییلگن اېدی.
