روسیه و اۉزبېکستان جمهور باشلیغ‌لری افغان-ترانس تیمیر یول لایحه‌سینی محاکمه قیلدیلر
روسیه جمهور باشلیغی ولادیمیر پوتین و اۉزبېکستان جمهور باشلیغی شوکت میرضیایف افغان-ترانس تیمیر یول لایحه‌سی حقیده بحث ایتگنلر.
بو اوچره‌شوو ۲ حوت، چهارشنبه کونی کازان شهری ده بولیب اۉتگن.
گزارش‌لر اساسیده، اوشبو ییغیلیشده میرضیایف پوتین دن روسیه افغان-ترانس تیمیر یول لایحه‌سیده اشتراک قیلیشینی سۉره‌گن.
اۉزبېکستان جمهور باشلیغی اوشبو مملکت و روسیه آره‌سیده قوشمه لایحه‌لر قیمتینی ۴۵ میلیارد دالر عنوان قیلگن.
طالبان تیمیر یول اداره‌سی بوندن اول افغان-ترانس تیمیر یول لایحه‌سی نینگ تخنیکی و اقتصادی ایشلرینی باشلش اوچون اوشبو گروه، بیرلشگن عرب امیرلیگی و اۉزبېکستان آره‌سیده اوچ تامانلمه بیتیم امضالنیشیدن خبر بیرگن اېدی.
بولایحه افغانستان توپراغیدن اۉتیش بیلن، مرکزی آسیا اولکه‌لرینی آسیا جنوبی مملکت‌لری بیلن باغله‌یدی.
۷۶۰ کیلومتر اۉزون‌لیگی بولگن اۉزبېکستان-افغانستان-پاکستان آره‌سیده اوچ تامانلمه لایحه خره‌جتی، ۴.۸ میلیارد دالر تخمین بولگن.
دستلبکی معلومات‌لر اساسیده، مذکور تیمیر یول نینگ قوریش ایشی بیش ییل دوام قیلیب و فایده‌لنیشگه تاپشیریلیشی ممکن.
