طالبان ایکّی مینگ‌دن آرتیق افغان مهاجر‌نینگ مجبوری قَیتریلگنینی معلوم قیلدی
۸صبح، کابل: طالبان سۉزلاوچیسی اۉرین‌باسری، حمدالله فطرت، ۴۶۰ عایله، جمعی ۲ مینگ ۲۹۲ کیشی اۉتکن کون، مجبوری روشده افغانستانگه قَیتریلگنینی معلوم قیلدی.
فطرت پنج‌شنبه کونی، ۱۵ اسد، ترقه‌تگن بیاناتده ۳۷۲ عایله، جمعی ۱ مینگ ۹۴۷ کیشی ننگرهارده‌گی تورخم چېگره‌سی آرقه‌لی، ۱۷ عایله، جمعی ۸۵ کیشی اېسه قندهارده‌گی سپین‌بولدک آرقه‌لی افغانستانگه کیرگنینی اَیتدی.
بیاناتگه کۉره، ۶۶ عایله، جمعی ۲۳۹ کیشی نیمروزده‌گی ایپک یۉلی چېگره‌سی آرقه‌لی، ینه بېش عایله، جمعی ۲۱ کیشی اېسه هراتده‌گی اسلام قلعه چېگره‌شی آرقه‌لی مملکتگه قَیتگن.
بو سۉنگگی آیلرده قۉشنی دولتلر، خصوصاً پاکستان و ایراندن افغان مهاجرلرینی قَیتریش جریانی کوچه‌یگن بیر پیتگه تۉغری کېلماقده. مینگلب افغان عایله‌لری دېپورتیاکه مجبوری قَیتریلیش آرتیدن افغانستانگه قَیتگن.
شو بیلن بیرگه، یاردم تشکیلاتلری هم کۉپلب مهاجرلر‌نینگ قَیتیشی عاقبتیده یوزه‌گه کېله‌یاتگن انسانپرورلیک باسیمی همده اولر‌نینگ باش‌پناه، طبی خدمتلر و شاشیلینچ یاردمگه بۉلگن احتیاجی یوزه‌سیدن آگاهلنتیرماقده.
