طالبان پروان ده «کرومایت» کانی قازیب چیقریش ایشی باشلنگنیدن خبر بیردیلر
۸صبح، پروان: پروان ده طالبان محلی رسمی‌لری اوشبو ولایت نینگ کوه صافی تومنیده «کرومایت» کان نینگ قازیب چیقریش ایشی باشلنگنیدن خبر بیرگنلر.
بو کان نینگ قازیب چیقریش ایشی ۲۳ ثور، یک‌شنبه کونی باشلنگن.
پروان ده طالبان کان‌لر و پترولیم باشلیغی عبدالقدوس نعمانی گه کوره، کوه صافی تومنی «تاتاری» کانیده ۵۵۰ میلیون افغانی سرمایه یاتقیزیلگن.
طالبان بو کان نینگ قازیب چیقریش شرطنامه‌سینی خصوصی بیر کمپنیه بیلن امضاله‌گن.
طالبان نینگ معلوماتی اساسیده، پروان ده ۴۱ قیمت‌بها تاش کانی موجود دیر و تورته‌سی نینگ قازیب چیقریش ایشی باشلنگن.
ایتیش کېره‌ک که طالبان سۉنگی قریب اوچ ییلده ایچکی و تشقی کمپنیه‌لر بیلن بیرقطار کان‌لر نینگ قازیب چیقریش شرطنامه‌سینی امضاله‌گن.
سۉنگی آی‌لرده بو گروه تامانیدن کوپ سانده کان‌لر نینگ قازیب چیقریش شرطنامه‌سی امضالنگن بو کان‌لر قانونی نهادلر تامانیدن نظارت اېتیلمسلیگی یشاوچیلر نینگ خواطری گه سبب بولگن.
