طالبلر هرات‌ده قیزلرگه تېگیشلی بیر نېچه اۉقیتیش مرکزنی باغله‌دی
۸صبح، هرات: هرات ولایتیده محلی منبعلر مذکور ولایتده طالبلر تامانیدن بیر قطار اۉقیتیش مرکزلری یاپیلگنی باره‌سیده خبر بېردیلر.
۸صبح کونده‌لیگیگه صحبت بېرگن منبعلرنینگ تصدیقلب ایتیشیچه، طالبان جنگریلری ۲۳عقرب سه‌شنبه کونی هراتده‌گی قیزلرگه تېگیشلی بیر قنچه اۉقیتیش مرکزلریگه باستیریب کیریب مرکزنینگ اېشیگینی یاپیب «مهرولاک» قیلگنلر.
طالبلر مذکور اۉقیتیش مرکزنینگ مسووللریگه بو گروه‌نینگ قانونیدن باش تارتگن حالده، قۉلگه آلینیب تورمه‌گه تشله‌نیشلری بیلن آگاهلنتیریلگن اېدیلر دېدی اوشبو منبعلر.
شونینگدېک منبعلرنینگ کۉپه‌یتیریشیچه، طالبلر بوندن تورت کون آلدین هراتده‌گی اۉقیتیش مرکزلر مسووللریگه اوشبو مرکزلرنینگ باغلشلری حقیده آگاهلنتیرگن اېدی.
منبع اوشبو اۉقیتیش مرکزلر باغله‌نیشی نینگ اصلی سببی قیزلرگه اېرککلر استادلر آرقلی درس بېریلگنینی ایتیلگن.
شوکبی طالبلر بوندن نېچه وقت آلدین غزنی ولایتیده هم اۉنلب اۉقیتیش مرکزنی «اوقیتووچیلر سقالینی قیرگنی و خاتین اۉقیتووچیلر حجابنی مراعات قیلمه‌گنی» باعث باغله‌گن اېدی.
اوشبو گروه سۉنگی ایکّی ییل ایچیده بیلیم یورتلری قۉشیمچه آلتینچی صنفدن یوقاری قیز اۉقووچیلر مکتبی اېشیگنی بولرنینگ یوزیگه یاپیب قۉیدی.
