فاریاب ده طالبان امنیه قوماندانی خصوصی یېتکرمه‌لر گه خبری ییغیلیشده اشتراک اېتیشگه رخصت بیرمه‌گن
۸صبح، فاریاب: فاریاب ده‌گی ژورنالیست‌لردن بیرقطاری نینگ ایتیشلریچه، اوشبو ولایتده طالبان امنیه قوماندانی سراج‌الدین احمدی اولر گه خبری ییغیلیشده اشتراک اېتیشگه رخصت بیرمه‌گن.
بو خبری ییغیلیش ۲۰ حمل، دوشنبه کونی یولگه قوییلگن اېدی دېدی، اوشبو ژورنالیست‌لر.
اولر گه کوره، امنیه قوماندان‌لیگی نینگ مطبوعات دفتری تامانیدن چقیریق‌نامه یوباریلگن بولسه ده، بیراق ییغیلیش اۉتکزیلیشیدن یریم ساعت آلدین اولر گه اشتراک اېتیش رخصتی بیریلمه‌گن.
معلومات‌لر گه کوره، اوشبو ییغیلیشده طالبان حاکمیتیده یالغیز ملی رادیو و تلویزیون گه رخصت بیریلگن.
اولر طالبان نینگ بو گَل حرکتینی اېرکین سۉز ارزش‌لرینی «حقارت» قیلیش عنوان قیله‌دیلر.
شونینگدیک باشقه منبعلر نینگ ایتیشلریچه، بو ولایتده سۉنگی آلتی آی ایچیده جنایی واقعه‌لر اینیقسه ریجه‌لی اۉلدیریش، سابق حکومت حربی‌لری نینگ توتقینلش و یاش خاتین قیزلر نینگ اۉزینی اۉلدیریش واقعه‌لری آشگن.
منبعلر نینگ ایشانچی گه کوره، طالبان جنایی جرم‌لر رقمی کوپه‌لیشنی یاشیریش اوچون آزاد ژورنالیست‌لر و خصوصی یېتکرمه‌لر گه بو ییغیلیشنی قاپلش گه رخصت بیرمه‌گنلر.
ایتیش کېره‌ک که افغانستانده طالبان ایکّینچی مراتبه قدرت نی آلیشی بیلن، تورلی یېتکرمه‌لر نینگ ژورنالیست‌لری هردایم اطلاعات گه قول تاپه آلمسلیکدن نالیدیلر.
طالبان سۉنگی ایکّی ییل ایچیده یېتکرمه‌لر گه قرشی کېنگ کولمده چېکلاولرنی یره‌تگن.
