طالبلر نورستانده سابق حکومت بیر عسکرینی آتیب اۉلدیرگن
۸صبح، نورستان: نورستانده‌گی محلی بیر منبع طالبلر استخابارت اداره‌سی سابق حکومت اردوسی نینگ بیر عسکرینی بو ولایتده آتیب اۉلدیرگنینی بیلدیردی.
منبع نینگ ۸صبح کونده‌لیگی بیلن صحبتده قیلگن بو منبع، محب‌الله ناملی سابق حکومت نینگ اوشبو حربیسی ۶- عقرب شنبه کونی دوآب اولسواللیگی‌گه قره‌شلی «بجگل دره» منطقه‌سیده طالبلر تامانیدن آتیب اۉلدیرگن دېب تصدیقه‌له‌دی.
مردمی منیع نینگ ایتیشیچه، محب الله نینگ هیچ بیر گروه بیلن علاقه‌سی بۉلمه‌گن، لېکن طالبلر بو سابق حربینی ملی مقاومت جبهه‌سی نینگ عضوی اېکنینی ادعا قیلگنلر.
خالد بن ولید قول اردو سۉزلاوچیسی مولوی وحیدالله محمدی، محب‌الله بو گروه نینگ پیستیرمه‌سی عاقبیده اۉلدیرگن دېب ایتگن.
طالبلر مملکتده حاکمیت تېپه‌سیگه کېلگندن بېری، انسان حقوقلری بۉییچه تشکیلاتلر تامانیدن سابق حکومت حربیلری و خادملرینی قۉلگه آلیش، قیناقلش و اۉلدیریشگه عیب‌له‌نیب کېلگنلر، لېکن بو گروه هر دایم بونده‌ی ادعالرنی کېسیکن رد قیلیب کېلگن.
بوندن ایکّی هفته آلدین هم اوشبو گروه سابق حکومت ایکّی عسکری قوراللی جبهه‌لرگه همکارلیک قیلگنلیک عیبی بیلن لغمان ولایتیده طالبلر آرقلی آتیب اۉلدیرگن اېدی.
