طالبان ایچکی ایش‌لر وزیرلیگی تاجیکستان چېگره‌سیده تۉرت کیشی نینگ اۉلیمینی تصدیقله‌دی
۸صبح، کابل: طالبان ایچکی ایش‌لر وزیرلیگی، بدخشان ولایتی نینگ خواهان تومنیدن تاجیکستان حدودی‌گه اۉتگن تۉرت کیشی نینگ هلاک بۉلگنینی تصدیقله‌دی.
۸صبح گزېته‌سی قۉلی‌گه ۲۹- جدی، دوشنبه کونی یېتیب کېلگن رسمی حجت‌ده ایتیلیشیچه، اوشبو شخص‌لر مخدر ماده‌لر قاچاقی مقصدیده چېگره‌نی ناقانونی کېسیب اۉتیب، تاجیکستان حدودی‌گه کیرگن.
مذکور حجت‌گه کۉره، اولر تاجیکستان چېگره‌چیلری تامانیدن اۉلدیریلگن و جسدلری کېچه، تخمیناً ساعت ۴ ده طالبان نینگ اوچینچی چېگره کندکی‌گه تاپشیریلگن.
معلومات‌لرگه قره‌گنده، اوشبو شخص‌لر، ۲۸- جدی، یکشنبه کونی، تونگی ساعت ۳ اطرافیده تاجیکستان حدودیده‌گی «ترکا» ناملی حدودده، خواهان تومنی‌گه قره‌شلی دربندک قیشلاغی مقابل‌سیده هلاک بۉلگن.
آلدینراق، تاجیکستان عاموی اخبارات واسطه‌لری هم افغانستان حدودیدن تاجیکستان‌گه کیریب کېلگن «ترورچی گروه»گه منسوب تۉرت نفر شخص چېگره‌چیلر بیلن بۉلگن تۉقنه‌شووده اۉلدیریلگنی حقیده خبر بېرگن اېدی.
