بیرلشگن ملتلر تشکیلاتی پاکستان‌دن چیقاریلگن مهاجرلرگه اون میلیون دالر اجره‌تدی
۸صبح، کابل: بیرلشگن ملتلر تشکیلاتی نینگ اۉرین باسری مارتین گریفیتس پاکستان‌دن چیقاریلگن افغانستانلیک مهاجرلر اوچون ۱۰ میلیون دالر اجره‌تیلگنی باره‌سیده خبر بېردی.
گریفیس ۲۹- عقرب دوشنبه ایکس اجتماعی ترماغیده بو مقدارده‌گی مبلغ بیرلشگن ملتلر تشکیلاتی نینگ شاشیلینچ صندیغیدن پاکستان‌دن قیتگن مهاجرلر قیینچیلیگینی حل ایتیش مقصدیده اجره‌تیلگن دېب یازگن.
بیرلشگن ملتلر تشکیلاتی نینگ اۉرین باسری بو یاردملر پاکستان‌دن افغانستانگه قیته‌جک افغانستانلیک قاچقینلرنینگ بیرینچی احتیاجلری برطرف بۉلیشی اوچون صرفله‌نیشیگه امید بیلدیرگن.
بوندن آلدین «اسلامیک ریلیف» ناملی یاردم بېرووچی بیر تشکیلات پاکستان‌دن چیقاریلگن تورخم‌ده‌گی مهاجرلرنینگ وضعیتی خواطرلی دیب بیلدیرگن اېدی.
بو تشکیلات ۲۸ عقرب یک‌شنبه کونی اۉزی نینگ بیر گزارشیده بو مهاجرلر تورلی خیل قیینچیلیکلر جمله‌دن باش‌پنه، آوقت، تعلیم، ساغلیق خذمتلری و سوو تنقیسلیگی بیلن روپه ره‌لر دیگن اېدی.
بو گزارشگه قره‌گنده ۹۲ فایز عایله‌لر تازه ایچیملیک سوودن محروملر و ۹۰ فایز اېسه باش پنه‌سیز قالگن و ۷۱ فایز حفظاالصحه و اینیقسه (تشناب) یوقلیگی بیلن دوچارلر.
