جهان ساغلیقنی سقلش تشکیلاتی باله‌لرنی آنه سوتی بیلن آزیقلنتیریش‌نینگ مهم رۉلیگه اورغو بېردی
۸صبح، کابل: جهان ساغلیقنی سقلش تشکیلاتی (WHO) آنه سوتی بیلن آزیقلنتیریش بۉییچه خلق‌ارا هفته‌سی باشلنیشی مناسبتی بیلن آنه سوتی‌نینگ چقه‌لاقلر سلامتلیگی و رواجلنیشینی تأمینلشده‌گی حیاتی مهم رۉلیگه اورغو بېریلیشی کېره‌کلیگینی معلوم قیلدی.
اوشبو تشکیلات شنبه کونی، ۱۰ اسد، ایکس صحیفه‌سیده یازیشیچه، آنه سوتی بیلن آزیقلنتیریش بۉییچه خلق‌ارا هفته‌سی هر بیر باله اوچون حیات‌نینگ اېنگ یخشی باشلنیشینی تأمینلشده اوشبو آزیقلنتیریش اصولی‌نینگ اهمیتیگه ینه‌ده کۉپراق اعتبار قره‌تیش اوچون امکانیت دیر.
جهان ساغلیقنی سقلش تشکیلاتی قۉشیمچه قیلیشیچه، آنه سوتی هر بیر چقه‌لاق‌نینگ ساغلام و کوچلی اۉسیشی اوچون ضرور بۉلگن مهم آزیق مادّه‌لر، کسللیکلردن حمایه و مراقبتنی تأمینله‌یدی.
بو تشکیلات، شونینگدېک، آنه سوتی بیلن آزیقلنتیریش بۉییچه خلق‌ارا هفته‌سیده افغانستاندهگی هر بیر باله‌‌نینگ آنه سوتیدن فایده‌لنیش حقوقینی قۉللب-قوّتلش و حمایه قیلیش، شونینگدېک، آنه‌لرگه بو یۉلده یاردم کۉرسه‌تیش کېره‌کلیگینی تأکیدله‌گن.
