فاریابده طالبان‌نینگ بیر عضوی قۉشیمچه اوچ کیشی قتل اېتیلگن
۸صبح، فاریاب: فاریاب ولایتیده‌گی منبعلر مذکور ولایتده طالبان نینگ بیر عضوی قۉشیمچه باشقه اوچ کیشی ایری- ایری حادثه‌لرده قتل اېتیلگنی ایته‌دیلر.
محلی منبعلر ۹- قوس پنج‌شنبه کونی، طالبلرنینگ توفان نامی بیلن تانیلگن محمد یعقوب اسملی بیر اعضاسی خواجه‌سبزپوس اولسواللیگی نینگ کموزی قیشلاغیده ناتنیش قوراللی شخصلر تامانیدن آتیب اۉلدیریلگنینی ایتگنلر.
منبعلرنینگ ایتیشیچه، طالبان کوچلری خواجه‌سبزپوش اولسواللیگیده تۉرت کیشینی بو حادثه‌ده قۉلی بارلیککه عیبلب اوشلب آلگن.
عین حالده، تیناوون باشقه بیر حادثه‌ده احمدالله ناملی بیر کیشی فاریاب ولایتی مرکزی میمنه شهری نینگ «دم قول» منطقه‌سیده اۉرتاغی تامانیدن چاقوله‌نیب اۉلدیریلگن دېدی منبعلر.
طالبلر اېسه ۲۲یاشده بۉلگن احمدالله نینگ اۉلدیرگنیگه قۉلی بارلیککه گمان قیلیب بیر کیشی حبسگه آلگنینی بیلدیرگنلر.
باشقه بیر تاماندن، بیر یاش ییگیت نینگ جسدی تۉرت کون درک‌سیز یۉقالگندن سۉنگ پشتونکوت اولسواللیگیدن تاپیلگن.
۳۰ یاشیده بۉلگن بو یاش نینگ آتی عبدالبصیر بۉلگن.
منبعلرنینگ تاکیدله‌شیچه، عبدالبصیر بوندن تۉرت کون آلدین پشتونکوت اولسواللیگی نینگ «پشه‌خانی» منطقه‌سیده درک‌سیز یۉقالگن، نهایت اونینگ جسدی تیناوون بیر جردن تاپیلگن.
شونینگدېک سۉنگی اوچ کون جریانیده فاریاب ولایتیده بیر قیز شامل بیر اېرکک باله اۉزینی اۉلدیریب حیاتیگه نقطه قۉیگن اېدی.
