بدخشانده ترافیکی حادثه؛ ۱۲ کیشی هلاک بۉلدی، اوچ کیشی جراحتلندی
۸صبح، بدخشان: طالبان بدخشان ولایتیده یوز بېرگن ترافیکی حادثه‌ده، ۱۲ کیشی حیاتدن کۉز یومگنینی، ینه اوچ کیشی جراحتلنگنینی معلوم قیلدی.
طالبان امنیه قوماندانلیگی نینگ مطبوعات کاتبی، ۱۸- دلو، شنبه کونی، اعلان قیلگن بیاناتیده حادثه ارغنجخواه تومنی سمدره حدودیده صادر بۉلگنینی بیلدیردی.
بیاناتگه کۉره، قربانلر آره‌سیده عیاللر، اېرککلر و باله‌لر بار. اولر واقعه جاییده هلاک بۉلگن، ینه اوچ کیشی آغیر تن جراحتی آلگن.
حادثه سببی یۉل نینگ اۉته یامان احوالی همده «فلانکوچ» روسومیده‌گی موتر نینگ یۉلدن چیقیب جرلیککه اغدریلیشی دېب کۉرسه‌تیلگن.
مطبوعات کاتبی، موتر فیض‌آباد شهریدن حرکتلنگنینی و منزل ارغنجخواه تومنی مرکزی بۉلگنینی قۉشیمچه قیلدی.
افغانستانده ترافیکی حادثه‌لری هر ییلی یوزلب انسانلر عمریگه ضامن بۉلماقده. بونگه کۉپینچه یۉللر نینگ یراقسیزلیگی، هیداوچیلر نینگ احتیاطسیزلیگی همده حرکت قاعده‌لریگه رعایه قیلینمسلیگی سبب بۉله‌یاتگنی ایتیله‌دی.
