بغلان ولایتیده ترافیکی حادثه؛ بیر عیال و بیر باله جمله‌دن اوچ کیشی هلاک بۉلدی
۸صبح، کابل: بغلان ولایتیده‌گی طالبان محلی مسووللری، اوشبو ولایتده صادر بۉلگن ترافیکی حادثه عاقبتیده بیر باله و بیر عیال جمله‌دن اوچ کیشی هلاک بۉلگنینی معلوم قیلدی.
طالبان نینگ ولایت خوفسیزلیک قوماندانلیگی مطبوعات کاتبی، شیر احمد برهانی، ۱۲- دلو، یکشنبه کونی، اوشبو حادثه دوشی تومنیده یوز بېرگنینی بیلدیردی.
اونینگ ایتیشیچه، حادثه وقتیده بیر فولدر موتر پاسو موتر بیلن تۉقنه‌شگن.
شونینگدېک، او مذکور حادثه عاقبتیده ینه تۉرت کیشی جراحت آلگنینی قۉشیمچه قیلدی.
طالبان نینگ دعواسی‌گه کۉره، جراحتلنگنلر طبی یاردم کۉرستیش اوچون شفاخانه‌گه یېتکزیلگن.
بوندن ایکّی کون آلدین، بدخشان ولایتی نینگ شهری بزرگ تومنیده صادر بۉلگن ترافیکی حادثه‌سی عاقبتیده هم ایکی کیشی هلاک بۉلگن اېدی.
