تورکیه غزه‌ده انسان‌پرورلیک یاردملر کۉپه‌یتیریلیشینی سۉرهدی
تورکیه تشقی ایشلر وزیرلیگی حماس و اسراییل اۉرته‌سیده‌گی آتیش کېسین‌گه عکس‌العمل کۉرسه‌تیب غزه‌ده انسان‌پرورلیک یاردملر آشیریلیشینی سۉرهدی.
تورکیه تشقی ایشلر وزیریلگی ۲۲- نوامبر چهارشنبه بیر اعلامیه نشر قیلیب، بو معامله‌نی خوش قرشیلش بیلن بیرگه، گروگه آلینگنلر آزاد قیلینیشی و غزه‌ده توقنشوو و بمباردمان تۉخته‌تیلیشی و بوتونله‌ی اوروش توگه‌شی ایکّی تامان ارا یېچیمگه یۉنلتیریلگن تینچلیککه سبب بۉلیشینی آرزو قیلدی.
عین حالده، دنیا ساغلیقنی سقلش تشیکلاتی نینگ باشلیغی تدروس ادهانوم گیبریسوس ایکسده بیر پیام نشر قیلیب بو معامله‌نی خوش قرشله‌گن.
لیکن اونینگ کۉپه‌یتیریشیچه: «هنوزهم اسرلیک‌ده اوشلب توریلگنلرنینگ هر قنده‌ی ساغلیق خصوصیده‌گی احتیاجلریگه توجه بۉلیشی کېره‌ک دیر.»
جهان ساغلیقنی سقلش تشکیلاتی باشلیغی: «بیزلر برچه گروگه آلینگنلر آزاد قیلینیشنی ایسته‌یمیز. شونینگدېک غزه‌ده‌گی تینچ اهالی مصون همده دایمی حمایتگه اېریشیشی‌گه سبب بلووچی آتیش کېسیننی طلب قیله‌میز.»
عین حالده، طالبان تشقی ایشلر وزیریگی حماس و اسراییل اۉرتهسیده آتیش کېسین اعلان قیلینگنیگه عکس‌العمل کۉرسه‌تیب بو حادثه تینچ اهالی تلفاتی نینگ آلدی آلینیشی اوچون مثب قدم دېدی.
طالبلر بو تۉغریده قطر دولتی نینگ فعال رولیدن منتدارچیلیک بیلدیردی.
گزارشلرگه کۉره، حماس و اسراییل اۉرتهسیده اعلان قیلینگن آتیش کېسین اېرته (پنج‌شنبه) محلی وقت بیلن ساعت ۱۰:۰۰کوچه کیره‌دی.
ایتیش کېره‌ک که حماس و اسراییل اۉرته‌سیده‌گی محبوسلرنی المشتیریش اوچون مذاکره آلیب بارووچی ایکّی یقین منبع نینگ ایتیشیچه، ایکّی تامان ارا آتیش کېسین بېش کونلیک بیر وقفه و اونینگ دوامیده جامع آتیش کېسین و توقنشوولر تۉخته‌تیلیشی شامل بۉله‌دی.
