فاریاب ده ایکّی ترافیکی حادثه ده اوچ کیشی جان بیریب و باشقه ۱۶ کیشی یره‌لندی
فاریاب ده‌گی محلی منبعلر نینگ ایتیشلریچه، اوشبو ولایتده ایکّی ترافیکی حادثه عاقبتیده اوچ کیشی جان بیریب و باشقه ۱۶ کیشی یره‌لنگن.
بو واقعه‌لر ۹ حوت، چهارشنبه کونی اندخوی و دولت‌آباد تومن‌لریده یوز بیرگن.
منبعلر گه کوره، فاریاب ولایتی دولت‌آباد تومنی حدودلری گه تیگېشلی منطقه ده «آستانه» رسوملی بیر موتر نینگ قولشی عاقبتیده بیر کیشی تورموش اۉرتاغی بیلن جان بیریب و باشقه ۱۴ کیشی یره‌لنگن.
بو موتر اندخوی تومنیدن فاریاب مرکزی میمنه شهری گه بارماقده اېکن.
باشقه بیر واقعه ده سراچه رسوملی بیر موتر اندخوی تومنیدن جوزجان ولایتی تامان بارماقده اېکن، اندخوی تومنی «ختم قیر» منطقه‌سیده سرک‌دن چیقیب چپه بولگن.
مذکور واقعه طفیلی یاش بیر عیال جان بیریب و باشقه ایکّی کیشی یره‌لنگنلر.
ترافیکی اوشبو ایکّی واقعه سببی یوللر نینگ مۉزلگنی و هیداوچیلر نینگ دقت‌سیزلیگی عنوان قیلینگن.
ایتیش کېره‌ک که یک‌شنبه کوندن بیری کوچلی قار یاغیشی باعث، قتناو یوللردن بیرقطاری یاپیلگن اېدیلر.
